అనుష్క శర్మ ఎప్పుడూ లేటే: విరాట్ కోహ్లి

భారత కెప్టెన్ విరాట్ కోహ్లి తన ప్రియురాలు, బాలీవుడ్ నటి అనుష్క శర్మ గురించి ఆసక్తికరమైన విషయాలను వెల్లడించాడు. దీపావళి సందర్భంగా ఓ టీవీ ఛానల్ ప్రసారం చేయనున్న షో కోసం అమీర్ ఖాన్ అడిగిన ప్రశ్నలకి విరాట్ కోహ్లి సరదాగా సమాధానాలు చెప్పాడు. కోహ్లిని ఉడికించే ఉద్దేశంతో అమీర్ ఖాన్ కావాలనే అనుష్క శర్మతో బంధం గురించి చెప్పమనగా.. కెప్టెన్ నవ్వుతూ తమ ప్రేమాయణాన్ని బయటపెట్టాడు.

‘అనుష్క శర్మ నిజాయతీ, కేరింగ్ నాకు చాలా బాగా నచ్చుతుంది. కానీ.. ఎప్పుడు కలవాలన్నా తను 5-7 నిమిషాలు ఆలస్యంగా వస్తోంటోంది. ఇది నాకు తనలో నచ్చని విషయం. అయితే.. ఒకరినొకరు బాగా అర్థం చేసుకుంటాం. ఇంకా చెప్పాలంటే.. తను గత నాలుగేళ్లలో నన్ను ఒక వ్యక్తిగా చాలా మార్చింది’ అని కోహ్లి వెల్లడించాడు. ఆస్ట్రేలియాతో ఇటీవల ముగిసిన ఐదు వన్డేల సిరీస్‌ని భారత్ 4-1తో గెలిచిన విషయం తెలిసిందే. తొలి టీ20 మ్యాచ్ రాంచీ వేదికగా శనివారం జరగనుంది.