ప్రొటీస్ దెబ్బకు ఆసీస్ కుదేలు

ఆస్ట్రేలియా పర్యటనలో ఉన్న సౌతాఫ్రికా క్రికెట్ జట్టు చెలరేగి ఆడుతోంది. తొలి టెస్టులో 177 పరుగుల తేడాతో ఘనవిజయం సాధించిన ప్రొటీస్.. రెండో టెస్టులోనూ అదే దూకుడును కొనసాగిస్తోంది. శనివారం హోబార్ట్‌లో ప్రారంభమైన రెండో టెస్టులో దక్షిణాఫ్రికా బౌలర్లు ఫిలాండర్, అబోట్ ఆసీస్ బ్యాట్స్‌మెన్‌ను బెంబేలెత్తించారు. ప్రొటీస్ ధాటికి ఆస్ట్రేలియా తొలి ఇన్నింగ్స్‌లో కేవలం 85 పరుగులకే ఆలౌటైంది. కెప్టెన్ స్టీవ్ స్మిత్ (48 నాటౌట్), మెన్నీ (10) మినహా ఎవరూ రెండంకెల స్కోరు సాధించలేదు.

వార్నర్ 1, బర్న్స్ 1, కవాజా 4, వోజెస్ 0, ఫెర్గూసన్ 3, నెవిల్ 3, స్టార్క్ 4, హాజల్‌వుడ్ 8, లియాన్ 2 పరుగులు చేసారు. ఫిలాండర్ 5 వికెట్లు పడగొట్టగా.. అబోట్ 3 వికెట్లు తీసాడు. రబాడా ఒక వికెట్ సాధించాడు. గత 32 ఏళ్లలో స్వదేశంలో జరిగిన టెస్టుల్లో ఆస్ట్రేలియాకు ఇదే అతి తక్కువ స్కోరు. చివరిసారిగా 1984లో వెస్టిండీస్‌తో జరిగిన టెస్టులో ఆసీస్ 76 పరుగులకు ఆలౌటయింది.