ఐపీఎల్ చరిత్రలో అరోన్ ఫించ్ సరికొత్త రికార్డ్

ఆస్ట్రేలియా విధ్వంసక ఓపెనర్ అరోన్ ఫించ్.. ఐపీఎల్‌లో సరికొత్త రికార్డు నెలకొల్పాడు. కోల్‌కతా వేదికగా ఇటీవల జరిగిన ఐపీఎల్ 2020 సీజన్ ఆటగాళ్ల వేలానికి రూ. 1.5 కోట్ల కనీస ధరతో వచ్చిన అరోన్ ఫించ్‌ని.. రాయల్ ఛాలెంజర్స్ బెంగళూరు ఫ్రాంఛైజీ పోటీపడి మరీ రూ. 4.40 కోట్లకి కొనుగోలు చేసింది. దీంతో.. ఐపీఎల్ 2020 సీజన్‌లో ఆర్సీబీకి ఆడనున్న అరోన్ ఫించ్.. టోర్నీ చరిత్రలోనే అత్యధిక టీమ్స్‌కి ప్రాతినిథ్యం వహించిన క్రికెటర్‌గా రికార్డుల్లో నిలిచాడు.

ఆస్ట్రేలియా విధ్వంసక ఓపెనర్ అరోన్ ఫించ్.. ఐపీఎల్‌లో సరికొత్త రికార్డు నెలకొల్పాడు. కోల్‌కతా వేదికగా ఇటీవల జరిగిన ఐపీఎల్ 2020 సీజన్ ఆటగాళ్ల వేలానికి రూ. 1.5 కోట్ల కనీస ధరతో వచ్చిన అరోన్ ఫించ్‌ని.. రాయల్ ఛాలెంజర్స్ బెంగళూరు ఫ్రాంఛైజీ పోటీపడి మరీ రూ. 4.40 కోట్లకి కొనుగోలు చేసింది. దీంతో.. ఐపీఎల్ 2020 సీజన్‌లో ఆర్సీబీకి ఆడనున్న అరోన్ ఫించ్.. టోర్నీ చరిత్రలోనే అత్యధిక టీమ్స్‌కి ప్రాతినిథ్యం వహించిన క్రికెటర్‌గా రికార్డుల్లో నిలిచాడు.

Samayam Telugu

Twitter-Get ready for some explosive batting from Australi...

ఐపీఎల్2020లో బెంగళూరు టీమ్‌లోకి ఫించ్

2008లో ఐపీఎల్ ప్రారంభమవగా.. 2010లో ఎంట్రీ ఇచ్చిన అరోన్ ఫించ్ తొలిసారి రాజస్థాన్ రాయల్స్ తరఫున ఆడాడు. ఆ తర్వాత ఢిల్లీ డేర్‌డెవిల్స్ (ఢిల్లీ క్యాపిటల్స్)‌కి మారి రెండు సీజన్లు ఆ టీమ్ తరఫున ఆడాడు. అనంతరం పుణె వారియర్స్ (ఇప్పుడు టోర్నీలో లేదు), 2014లో సన్‌రైజర్స్ హైదరాబాద్, 2015లో ముంబయి ఇండియన్స్‌కి మారిన ఈ హిట్టర్.. 2016లో గుజరాత్ లయన్స్ (ఇప్పుడు టోర్నీలో లేదు), 2018లో కింగ్స్ ఎలెవన్ పంజాబ్‌ టీమ్‌కి ప్రాతినిథ్యం వహించాడు. ఇలా మొత్తం ఇప్పటికే ఏడు టీమ్స్‌కి ఆడిన ఫించ్.. 2020లో 8వ టీమ్‌ ఆర్సీబీకి ఆడబోతున్నాడు.

Twitter-Welcome to Bangalore, Aaron. We are looking forwar...

ఫించ్ తర్వాత రికార్డ్‌లో యువరాజ్, పార్థీవ్

ఐపీఎల్‌లో ఇప్పటి వరకూ 12 సీజన్లు ముగియగా.. అరోన్ ఫించ్ మినహా ఏ క్రికెటర్ కూడా కనీసం ఏడు టీమ్స్‌కి ప్రాతినిథ్యం వహించలేదు. యువరాజ్ సింగ్, పార్థీవ్ పటేల్ ఆరు టీమ్స్‌కి ఆడారు. ఇంకో ఆసక్తికరమైన విషయం ఏంటంటే..? ఐపీఎల్ 2019 సీజన్‌కి అరోన్ ఫించ్ దూరంగా ఉన్నాడు. ఒకవేళ ఆ సీజన్‌లోనూ అతను ఆడింటే..? మరో జట్టుకి వెళ్లేవాడేమో..!