Bangladesh Puts 271 Target Infront Of Team India In Second Odi
బంగ్లా అద్భుతం.. 100 లోపే ఆలౌట్ అయ్యే ప్రమాదం నుంచి 271 రన్స్
India Vs Bangladesh: బంగ్లాదేశ్ ఆటగాళ్లు మరోసారి అద్భుత ప్రదర్శన చేశారు. వంద లోపే చాప చుట్టేస్తారని మ్యాచ్ చూడటం మానేసిన టీమిండియా అభిమానులు ఇన్నింగ్స్ చివర్లో టీవీ ఆన్ చేసి షాకయ్యే పరిస్థితి. 19 ఓవర్లకే 6 వికెట్లు కోల్పోయి పీకల్లోతు కష్టాల్లో పడిన బంగ్లాదేశ్.. 50 ఓవర్లు ముగిసే సరికి మరొక వికెట్ మాత్రమే కోల్పోయి 271 పరుగులు చేసింది. అందుక్కారణం బంగ్లా బ్యాటర్ మెహిదీ హసన్ మిరాజ్. అద్భుత సెంచరీ చేసి గౌరవప్రదమైన స్కోరు అందించాడు.
Authored byశ్రీనివాస్ గంగం | Samayam Telugu7 Dec 2022, 4:25 pm
బంగ్లాదేశ్ ఆటగాళ్లు మరోసారి అద్భుత ప్రదర్శన చేశారు. ఆదిలో ఆట చూసి వంద లోపే చాప చుట్టేస్తారని మ్యాచ్ చూడటం మానేసిన అభిమానులు ఇన్నింగ్స్ చివర్లో టీవీ ఆన్ చేసి షాకయ్యే పరిస్థితి. 19 ఓవర్లకే 6 వికెట్లు కోల్పోయి పీకల్లోతు కష్టాల్లో పడిన బంగ్లా.. 50 ఓవర్లు ముగిసే సరికి మరొక వికెట్ మాత్రమే కోల్పోయి 271 పరుగులు చేసింది. బంగ్లా బ్యాటర్ మెహిదీ హసన్ మిరాజ్ మరోసారి రాణించాడు. కేవలం 83 బంతుల్లో సెంచరీ చేశాడు. అతడి ఇన్నింగ్స్‌లో 8 ఫోర్లు, 4 సిక్సులు ఉన్నాయి. మహ్మదుల్లా కూడా అతడికి చక్కని సహకారం అందించాడు. 96 బంతుల్లో 77 (7 ఫోర్లు) చేశాడు.
Samayam Teluguబంగ్లాదేశ్
ఏడో వికెట్‌కు ఏకంగా 148 పరుగులు జోడించారు. భారత్‌పై బంగ్లాదేశ్‌‌కు ఇదే అత్యుత్తమ భాగస్వామ్యం. ఏ వికెట్‌కు అయినా. భారత పేసర్లు ఆదిలో కట్టుదిట్టమైన బంతులతో బంగ్లా బ్యాట్స్‌మన్‌ను ముప్పుతిప్పలు పెట్టారు. అయితే, ఎప్పట్లాగే కీలక సమయంలో చేతులెత్తేశారు. ఫలితంగా 100 పరుగులే కష్టమని భావించిన మ్యాచ్‌లో.. బంగ్లాదేశ్ ఏకంగా 271 పరుగులు చేసింది.
చివర్లో నసుమ్‌ అహ్మద్ (18* బంతుల్లో, 11 బంతుల్లో, 2 ఫోర్లు, ఒక సిక్స్) బ్యాట్ ఝళిపించాడు. మెహిదీతో కలిసి 8వ వికెట్‌కు 54 పరుగుల భాగస్వామ్యం నిలిపాడు. భారత బౌలర్లలో వాషింగ్టన్ సుందర్ 3 వికెట్లు తీశాడు. మహ్మద్ సిరాజ్ 2, ఉమ్రాన్‌ మాలిక్ 2 వికెట్లు తీశారు.
శ్రీనివాస్ రెడ్డి గంగం సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఏపీ, తెలంగాణ, జాతీయ, అంతర్జాతీయ అంశాలపై వార్తలు, ప్రత్యేక కథనాలు అందిస్తుంటారు. EJS నుంచి శిక్షణ పొందిన శ్రీనివాస్‌కు జర్నలిజంలో 12 ఏళ్లకు పైగా అనుభవం ఉంది. JNTU నుంచి BTech చేశారు. గతంలో ప్రముఖ పత్రికల్లో వార్తలు, విద్యా సంబంధిత అంశాలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
