బంగ్లాదేశ్‌ని చిత్తుగా ఓడించిన ఆస్ట్రేలియా

బంగ్లాదేశ్ గడ్డపై తొలి టెస్టులో ఓటమి చవిచూసిన ఆస్ట్రేలియా పుంజుకుని రెండో టెస్టులో ఘన విజయంతో సిరీస్‌ని ముగించింది. చిట్టిగాంగ్ వేదికగా గురువారం ముగిసిన ఈ టెస్టులో ఆస్ట్రేలియా 7 వికెట్ల తేడాతో విజయాన్ని అందుకుని రెండు టెస్టు ఈ సిరీస్‌ని 1-1తో సమం చేసింది. సోమవారం ఆరంభమైన ఈ టెస్టులో టాస్ గెలిచిన బంగ్లాదేశ్ బ్యాటింగ్ ఎంచుకుని తొలి ఇన్నింగ్స్‌లో 305 పరుగులకు ఆలౌటైంది. అనంతరం ఓపెనర్ డేవిడ్ వార్నర్ (123) శతకం బాదడంతో ఆస్ట్రేలియా కూడా 377 పరుగులతో ఆతిథ్య జట్టుకి దీటుగా బదులిచ్చింది.

తొలి ఇన్నింగ్స్‌లో 72 పరుగులు వెనకబడిన బంగ్లాదేశ్.. ఒత్తిడిలోనే రెండో ఇన్నింగ్స్ ఆరంభించింది. ఆసీస్ స్పిన్నర్ నాథన్ లియాన్ (6/60) ధాటికి ఆ జట్టు వరుసగా వికెట్లు చేజార్చుకుని 157 పరుగులకే కుప్పకూలిపోయింది. దీంతో 85 పరుగుల స్వల్ప లక్ష్య ఛేదనకు దిగిన ఆస్ట్రేలియా మూడు వికెట్లు కోల్పోయి 15.3 ఓవర్లలోనే గెలుపొందింది. తొలి టెస్టులో 20 పరుగుల తేడాతో గెలుపొంది.. అందర్నీ ఆశ్చర్యపరిచిన బంగ్లాదేశ్ రెండో టెస్టులో మాత్రం నిరాశపరిచింది. సెప్టెంబరు 17 నుంచి ఆస్ట్రేలియా జట్టు భారత్‌లో పర్యటించనుంది.