గంగూలీ మంచి మ‌న‌సు.. పేద‌ల‌కు భారీ సాయం

క‌రోనా వైరస్‌ను ఎదుర్కొనేందుకు దేశవ్యాప్తంగా 21 రోజులపాటు లాక్‌డౌన్‌ను ప్రధానమంత్రి నరేంద్ర మోదీ ప్రకటించిన సంగతి తెలిసిందే. దేశమంతా స్తంభించి పోవడంతో తినడానికి తిండి లేని పేద ప్రజలు ఆక‌లితో ఎంతో అల్లాడుతున్నారు. వీళ్లను ఆదుకునేందుకుగాను బీసిసిఐ అధ్యక్షుడు సౌరవ్ గంగూలీ నడుంబిగించారు. 50 లక్షల రూపాయల విలువైన బియ్యాన్ని, వీరికి పంచేందుకు సిద్ధమైనట్లు ప్రకటించారు. లాల్ బాబా రైస్ అనే సంస్థతో కలిసి గంగూలీ ఈ కార్యక్రమాన్ని చేపట్టనున్నట్లు తెలుస్తోంది.

Read Also: బంతితో మాయ..IPL బెస్ట్ బౌలింగ్ ఫిగర్స్ ఇవే!

ప్రభుత్వ పాఠశాలలో త‌ల‌దాచుకుంటున్న‌ పేద ప్రజలకు వీటిని పంపిణీ చేయనున్నట్లు తెలుస్తోంది.
మరోవైపు గంగూలీ తీసుకున్న ఈ నిర్ణయంపై అంతట హర్షం వ్యక్తమవుతోంది. గంగూలీ తీసుకున్న చర్య ద్వారా దేశవ్యాప్తంగా మరికొంత మంది పేద ప్రజలకు సహాయం చేస్తూ ముందుకు వచ్చే అవకాశం ఉందని విశ్లేషకులు భావిస్తున్నారు. కరణ వైరస్‌ను ఎదుర్కొనేందుకు, ప్రజలంతా ఇళ్లలోనే ఉండాలని పేర్కొంటూ కేంద్ర ప్రభుత్వం ప్రకటించింది.

Read Also:ఉప్పల్ స్టేడియంలో క్వారంటైన్ సౌక‌ర్యం!

దీని ద్వారా వైరస్‌ను అరిక‌ట్టేందుకు వీలు చిక్కుతుంద‌ని విశ్లేషకులు పేర్కొంటున్నారు. ఇక లాక్‌డౌన్ కారణంగా బుధ‌వారం తెలంగాణలో ఒక్క కరోనా పాజిటివ్‌ కేసు కూడా నమోదు కాకపోవడం విశేషం. దేశవ్యాప్తంగా ఇప్పటికీ ఆరువందలకు పైగా కరుణ పాజిటివ్‌గా తేలారు. మొత్తంమీద‌ 11 మంది మరణించినట్లు తెలుస్తోంది. మ‌రోవైపు వైరస్‌ను ఎదుర్కొనేందుకు క్వారంటైన్‌ సెంటర్లుగా త‌మ స్టేడియాల‌ను వాడుకోవాల‌ని, పశ్చిమబెంగాల్, తెలంగాణ క్రికెట్ సంఘాలు ఇప్పటికే ప్రభుత్వానికి సూచించిన సంగతి తెలిసిందే.