యాప్నగరం

గవాస్కర్‌కు మరో షాక్.. హర్షా‌బోగ్లేకి కూడా!

బీసీసీఐలో లోథా కమిటీ సిఫార్సుల అమలు.. మాజీలకు శరాఘాతంగా మారుతోంది.

TNN 13 Nov 2017, 2:56 pm
బీసీసీఐలో లోథా కమిటీ సిఫార్సుల అమలు.. మాజీలకు శరాఘాతంగా మారుతోంది. ఇప్పటికే ఈ కమిటీ సిఫార్సులతో చాలా మంది ఆటగాళ్ల అదనపు ఆదాయవనరులకు తలుపులు మూసుకుపోగా.. ఇప్పుడు బీసీసీఐ కామెంటరేటర్స్ గా కొనసాగుతున్న వాళ్లకు ఝలక్ తగిలింది. పరస్పర విరుద్ధ ప్రయోజనాల కిందకు వచ్చే వ్యవహారాలకు దూరంగా ఉండాల్సి వస్తోంది బీసీసీఐతో ఒప్పందం ఉన్న మాజీలు. ఈ పరంపరలో.. బీసీసీఐ అధికారిక కామెంటరేటర్స్ సునీల్ గవాస్కర్, సంజయ్ మంజ్రేకర్, హర్షా బోగ్లే, మురళీ కార్తీక్‌లకు ఒకింత షాకే తగిలింది. ఇక పై వీళ్లు ఇతర ప్రైవేటే ఏజెన్సీలకు ఎలాంటి క్రికెట్ విశ్లేషణలనూ అందించకూడదు!
Samayam Telugu bcci commentators may have to give up writing columns
గవాస్కర్‌కు మరో షాక్.. హర్షా‌బోగ్లేకి కూడా!


బీసీసీఐ కామెంటరేటర్స్ గా కొనసాగుతూ ఇన్నాళ్లూ సునీల్ గవాస్కర్, హర్షా బోగ్లే, సంజయ్ మంజ్రేకర్ లు వివిధ వార్తా సంస్థలకు, పత్రికలకు, వెబ్ సైట్లకు కాలమిస్టులుగా కొనసాగుతున్నారు. తమ బై లైన్ తో వీళ్లు వ్యాసాలు, విశ్లేషణలు రాస్తూ వస్తున్నారు. ఇలా రెండు చేతులా సంపాదించుకొంటూ వచ్చిన వీళ్లకు ఇప్పుడు లోథా సంస్కరణల అమలుతో బయటి ఆదాయ మార్గాలు మూసుకుపోయాయి.

బీసీసీఐ కామెంటరేటర్స్ గా కొనసాగుతున్న వాళ్లెవ్వరూ కూడా బయటి వార్తా సంస్థలతో పని చేయకూడదనే నిబంధన అమల్లోకి వచ్చిందిప్పుడు. లోథా కమిటీ సూచించిన వివిధ సంస్కరణలను ఒక్కొక్కటిగా అమలు చేస్తూ వస్తున్నారు. ఇప్పుడు కామెంటరేటర్లపై ప్రభావం పడుతోంది. అయితే ఇలాంటి ఝలక్ గవాస్కర్ కు మొదటి ఏమీ కాదు.



ఇది వరకూ ఆయన ప్లేయర్ మేనేజ్‌మెంట్ ఏజెన్సీని మూసేయాల్సి వచ్చింది. బీసీసీఐతో ఒప్పందం ఉన్న కామెంటర్ గా కొనసాగాలంటే ఆ ఆదాయ మార్గాన్ని వదిలేసుకోవాలన్న నిబంధన ప్రకారం గవాస్కర్ ఆ సంస్థను మూసేశాడు. వివిధ న్యూస్ ఏజెన్సీలకు విశ్లేషణలు మాత్రం రాస్తూ వస్తున్నారాయన. ఇప్పుడు ఆ మార్గానికి కూడా ఎసరు వచ్చింది.

హర్షాబోగ్లే ఒక స్పోర్ట్స్ వెబ్ సైట్ కి ఎనలిస్టుగా వ్యవహరిస్తూ వస్తున్నాడు. మంజ్రేకర్ ఒక న్యూస్ ఏజెన్సీకి విశ్లేషణలు రాస్తూ, ఒక ఇంగ్లిష్ వీక్లీకి వ్యాసకర్తగా ఉన్నాడు. ఇప్పుడు వీళ్లు వాటిని వదులుకోవాల్సి ఉంటుంది. అయితే బీసీసీఐతో సంబంధం లేకుండా టీవీ చానళ్లతో పనిచేస్తున్న కామెంటరేటర్లకు మాత్రం ఈ నిబంధన ఏమీ ఉండదు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.