Mr IPL Suresh Raina 34వ పుట్టిన రోజు సందర్భంగా బీసీసీఐ స్పెషల్ బర్త్ డే విషెస్ అందించింది. ఇటీవలే అంతర్జాతీయ క్రికెట్‌కు గుడ్ బై చెప్పిన రైనా.. జమ్మూ కశ్మీర్‌లో క్రికెట్ అకాడమీని ఏర్పాటు చేయనున్న సంగతి తెలిసిందే.
Samayam Telugu27 Nov 2020, 10:16 am
టీమిండియా మాజీ క్రికెటర్ సురేశ్ రైనా పుట్టిన రోజు నేడు (నవంబర్ 27). ఈ సందర్భంగా లెఫ్ట్ హ్యాండర్ క్రికెటర్‌కు సోషల్ మీడియా ద్వారా శుభాకాంక్షలు వెల్లువెత్తుతున్నాయి. రైనాకు బీసీసీఐ సోషల్ మీడియా ద్వారా బర్త్ డే విషెస్ తెలిపింది. ‘‘2011 వరల్డ్ కప్ విన్నర్.. 2013 ఛాంపియన్స్ ట్రోఫీ విన్నర్.. గొప్ప ఫీల్డర్, డేరింగ్ బ్యాట్స్‌‌మెన్ అయిన రైనాకు పుట్టిన రోజు శుభాకాంక్షలు’’ అంటూ బీసీసీఐ ట్వీట్ చేసింది.
Samayam Telugu
భారత్ తరఫున 226 వన్డేలు ఆడిన రైనా 194 ఇన్నింగ్స్‌ల్లో 35.31 యావరేజ్‌తో 5615 రన్స్ చేశాడు. ఇందులో ఐదు శతకాలు, 36 అర్ధశతకాలు ఉన్నాయి. 78 అంతర్జాతీయ టీ20లు ఆడిన రైనా.. 66 ఇన్నింగ్స్‌ల్లో 1604 రన్స్ చేశాడు. ఇందులో ఒక శతకం, 5 హాఫ్ సెంచరీలు ఉన్నాయి.
మిస్టర్ ఐపీఎల్‌గా పేరొందిన రైనా.. ఇండియన్ ప్రీమియర్‌ లీగ్‌లో 5000 పరుగులు చేసిన తొలి క్రికెటర్‌గా రికార్డ్ క్రియేట్ చేశాడు. 193 మ్యాచ్‌ల్లో 189 ఇన్నింగ్స్ ఆడిన చిన్న తల.. 137.11 స్ట్రైక్ రేట్‌తో 5368 రన్స్ చేశాడు. ఐపీఎల్‌లో ఓ సెంచరీ, 38 హాఫ్ సెంచరీలు చేశాడు.
టెస్టులు, వన్డేలు, టీ20ల్లో సెంచరీలు చేసిన తొలి భారత బ్యాట్స్‌మెన్‌గా రైనా రికార్డ్ క్రియేట్ చేశాడు. 2020 సీజన్లో ఐపీఎల్‌కు దూరమైన రైనా.. జమ్మూ కశ్మీర్‌లో క్రికెట్ అకాడమీ ఏర్పాటు దిశగా అడుగులేస్తున్నాడు. ఐపీఎల్ 2020 ఆరంభానికి ముందే ఆగష్టు 15న ధోనీ రిటైర్మెంట్ ప్రకటించగా.. వెంటనే రైనా కూడా అంతర్జాతీయ క్రికెట్ నుంచి రిటైరయ్యాడు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
