కరోనా దెబ్బకి ఒలింపిక్స్ 2021లోనూ డౌట్..?

కరోనా వైరస్ కారణంగా ఈ ఏడాది జులైలో జరగాల్సిన టోక్యో ఒలింపిక్స్ 2021కి వాయిదా పడగా.. ఇప్పుడు వచ్చే ఏడాది కూడా ఈ మెగా టోర్నీ జరగడంపై సందిగ్ధత నెలకొంది. ప్రపంచవ్యాప్తంగా కరోనా మహమ్మారి విస్తరించి ఉండటంతో ఒలింపిక్స్‌ని వాయిదా వేసి.. వచ్చే ఏడాది జులై 23 నుంచి ప్రారంభిస్తామని ఇప్పటికే నిర్వాహకులు ప్రకటించారు. కానీ.. తాజాగా క్రీడల నిర్వహ‌క కమిటీ సీఈవో తొసిరో ముటో మీడియాతో మాట్లాడుతూ.. వచ్చే ఏడాదికి కూడా పరిస్థితులు అదుపులోకి వచ్చే సూచనలు లేకపోవడంతో టోర్నీ నిర్వహణ కష్టమే అంటూ వ్యాఖ్యలు చేశాడు.

Read More: లాక్‌డౌన్ రూల్స్ బ్రేక్.. భారత క్రికెటర్‌కి రూ. 500 జరిమానా

జపాన్‌లో కరోనా వైరస్ వ్యాప్తి పతాక స్థాయికి చేరుకోగా.. ఇప్పటికే ఆ దేశంలో పాజిటివ్ కేసుల సంఖ్య సంఖ్య 5వేలకి దాటింది. ఈ నేపథ్యంలో.. వచ్చే ఏడాది టోక్యో‌లో ఒలింపిక్స్ జరగడంపై మరింత సందేహాలు నెలకొన్నాయి. ‘‘వాయిదా తర్వాత ప్రకటించిన షెడ్యూల్ ప్రకారం వచ్చే ఏడాది ఒలింపిక్స్ నిర్వహించేందుకు ప్రయత్నిస్తాం. కానీ.. ప్రస్తుత పరిస్థితులు చూస్తుంటే.. 2021లో అసలు ఒలింపిక్స్ జరుగుతాయా..? జరగవా..? అనే సందేహాలు నెలకొంటున్నాయి. ఇప్పటికే ఒలింపిక్ జ్యోతి యాద్ర రద్దయింది. అయితే.. అన్నీ అనుకున్నట్లు జరిగితే..? జ్యోతిని ఎక్కడో ఒక చోట ప్రదర్శిస్తాం’’ అని తొసిరో ముటో వెల్లడించాడు.

Read More: భారత క్రికెటర్ల జీతాలు చెల్లించిన బీసీసీఐ
ప్రపంచవ్యాప్తంగా కరోనా వైరస్ పాజిటివ్ కేసుల సంఖ్య శనివారానికి 17 లక్షలకి చేరువకాగా.. మరణాలు కూడా 1 లక్షని దాటేశాయి. దీంతో.. అథ్లెట్స్ సైతం టోక్యో ఒలింపిక్స్‌‌లో పోటీపడేందుకు, విదేశాల్లో ప్రయాణించేందుకు జంకుతున్నారు. మరోవైపు ప్రపంచవ్యాప్తంగా చాలా దేశాలు ఇప్పటికే లాక్‌డౌన్ విధించాయి. అది మరి కొన్ని రోజుల పాటు కొనసాగే అవకాశం ఉంది.