డివిలియర్స్‌కి తమ్ముడిలా ఉన్నావే..?

ఐపీఎల్ తరహాలో వెస్టిండీస్‌లో జరుగుతున్న కరీబియన్ ప్రీమియర్ లీగ్ (సీపీఎల్) అభిమానుల్ని ఆకర్షిస్తోంది. మెరుపు ఫీల్డింగ్, కళ్లు చెదిరే షాట్లకి కలబోతగా మారిన సీపీఎల్.. సోషల్ మీడియాలో తాజాగా పోస్ట్ చేసి వీడియో వైరల్‌గా మారింది. ఓ జట్టులోని లోయర్ ఆర్డర్ బ్యాట్స్‌మెన్ వైడ్‌ లైన్‌పైకి వెళ్లి ఏబీ డివిలియర్స్ తరహాలో షాట్ కొట్టడం అందర్నీ ఆశ్చర్యపరుస్తోంది. టాప్ క్రికెటర్లు సైతం పేస్‌ బౌలింగ్‌లో ఈ తరహా షాట్ కోసం ప్రయత్నించరు. కానీ.. సైయిరీస్ సాహసోపేత షాట్ ఔరా అనిపిస్తోంది.

జట్టు విజయానికి 22 బంతుల్లో 37 పరుగులు చేయాల్సిన దశలో.. ఫాస్ట్ బౌలర్ బంతిని ఆఫ్ స్టంప్‌కి దూరంగా విసిరాడు. సాధారణంగా ఈ బంతిని బ్యాట్స్‌మెన్ పాయింట్ దిశగా లేదా.. థర్డ్ మ్యాన్ దిశగా ప్లిక్ చేసేందుకు ప్రయత్నిస్తాడు. కానీ.. సైయిరీస్ బంతి అంచనా వేసి ముందుగానే వైడ్ లైన్‌కి దగ్గరగా వెళ్లిపోయి మోకాళ్లపై కూర్చుని షాట్‌కి సిద్ధమైపోయాడు. బంతి పూర్తిగా బౌన్స్ అయ్యేలోపే.. చక్కగా బ్యాట్‌కి మిడిల్ చేస్తూ .. డీప్ స్వ్కైర్‌లెగ్ దిశగా షాట్ కొట్టాడు. అంతే.. బంతి నేరుగా వెళ్లి స్టాండ్స్‌లో పడింది. ఏడాది క్రితం ఐపీఎల్‌లో ఈ తరహా షాట్‌ని ఏబీ డివిలియర్స్ అభిమానులకి పరిచయం చేశాడు. దీంతో డివిలియర్స్‌కి తమ్ముడిలా ఉన్నావే.. అచ్చం అలానే షాట్ కొట్టావ్ అంటూ.. అభిమానులు సోషల్ మీడియాలో సైయిరీస్‌ని ప్రశంసిస్తున్నారు.

Check our #HeroPlayoftheday from match 29!! WHAT A SHOT!!! #Biggestpartyinsport #CPL17 pic.twitter.com/CuZlbYLdMT — CPL T20 (@CPL) September 3, 2017