లైంగిక వేధింపులతో క్రికెట్ కోచ్ అరెస్ట్

ఐపీఎల్‌లో ఆడే ఛాన్సిస్తానంటూ యువ క్రికెటర్‌పై కోచ్ లైంగిక వేధింపులకి పాల్పడిన ఘటన బెంగళూరులో ఆలస్యంగా వెలుగులోకి వచ్చింది. బెంగళూరులో క్రికెట్ అకాడమీ నడుపుతున్న 30 ఏళ్ల నజీర్‌‌ తన వద్దకు శిక్షణ కోసం వచ్చిన 13 ఏళ్ల బాలుడ్ని అభ్యంతరకరరీతిలో తాకుతూ వేధించినట్లు ఫిర్యాదు అందడంతో పోలీసులు కోచ్‌ని అరెస్టు చేశారు.

గత శనివారం సాయంత్రం 6.30 గంటల ప్రాంతంలో బాలుడి క్రికెట్ ప్రాక్టీస్ పూర్తయిన తర్వాత కోచ్ అతడ్ని తన వ్యానులోనే ఇంటిదగ్గర దిగబెడతానని ఎక్కించుకున్నాడు. ప్రయాణంలో బాలుడ్ని అభ్యంతరకరరీతిలో తాకిన కోచ్.. తనకి సహకరిస్తే ఐపీఎల్‌లో ఆడే ఛాన్స్ కల్పిస్తానని చెప్పినట్లు బాధితుడి తల్లిదండ్రులు పోలీసులకి ఇచ్చిన ఫిర్యాదులో పేర్కొన్నారు. కోచ్ వింత చేష్టలతో భయపడిపోయిన బాలుడు ఆలస్యంగా తమకి విషయం చెప్పాడని యువ క్రికెటర్ తల్లిదండ్రులు వెల్లడించారు.