జడేజా సింహాన్ని ముద్దాడబోయి..

సింహాన్ని ముద్దాడేందుకు ప్రయత్నించిన టీమిండియా ఆల్‌రౌండర్ రవీంద్ర జడేజా మరోసారి వివాదంలోకి చిక్కుకున్నాడు. బోను లోపల ఉన్న సింహానికి అతి సమీపంగా వెళ్లిన జడేజా దాన్ని ముద్దాడేందుకు ప్రయత్నించాడు. ఆ సమయంలో తీసిన ఫొటోను ఇన్‌స్టాగ్రామ్‌లో పోస్ట్ చేశాడు. నో క్యాప్షన్ నీడెడ్ అంటూ జడ్డూ పోస్ట్ చేసిన ఈ ఫొటోకు నెటిజన్లు మాత్రం కామెంట్ల రూపంలో చీవాట్లు బాగానే పెడుతున్నారు. ఇలా వన్యప్రాణులకు సమీపంగా వెళ్లి ఫొటోలు దిగడం ఏ మాత్రం బాగోలేదంటూ ఆక్షేపిస్తున్నారు. ఈ రకమైన చేష్టలతో మీకు, ప్రభుత్వ సిబ్బందికి ఇబ్బందులు కలిగించొద్దని సలహా ఇస్తున్నారు. పాపం జడ్డూ హీరోయిజం చూపించుకుందామని సింహాన్ని కిస్ చేస్తూ ఫొటోను సోషల్ మీడియాలో షేర్ చేస్తే.. అది కాస్తా బెడిసి కొట్టింది.

  No caption needed🤐😜👊#buddy #funwithlion #rajputboy A post shared by Ravindrasinh Jadeja (@royalnavghan) on Feb 18, 2017 at 7:09pm PST
గతంలోనూ సర్ జడేజా ఇలాగే సింహాలకు దగ్గరగా వెళ్లి ఫొటో దిగి చిక్కుల్లో పడ్డాడు. తన భార్యతో కలిసి సింహాలకు అతి సమీపంలో దిగిన ఈ ఫొటోల వ్యవహారంలో గుజరాత్ అటవీ శాఖ అధికారులు విచారణ కూడా జరిపారు. గిర్ నేషనల్ పార్కులో సఫారీ సమయంలో వాహనం దిగడం చట్ట విరుద్ధం. కానీ జడేజా తన భార్యతో కలిసి వెహికల్ దిగడంతోపాటు ఫొటోలు కూడా దిగడంతో రూ. 20 వేలు జరిమానా కూడా విధించారు.