సంతకం చేసిన ధోనీ.. సంబరాల్లో చెన్నై ఫ్యాన్స్

ఐపీఎల్ సీజన్ ఆరంభానికి ముందే చెన్నై ఫ్యాన్స్‌కు మజాను తెచ్చేసింది. రెండేళ్ల విరామం తర్వాత చెన్నై సూపర్ కింగ్స్ ఐపీఎల్‌లో తిరిగి అడుగు పెడుతుడటంతోపాటు.. ఆ జట్టుకు మళ్లీ ధోనీనే నాయకత్వం వహించనుండటంతో అభిమానులు పండగ చేసుకుంటున్నారు. గురువారం రాత్రి తాము అట్టిపెట్టుకున్న ఆటగాళ్ల వివరాలను ఫ్రాంచైజీలు విడుదల చేశాయి. ధోనీ, సురేశ్ రైనా, రవీంద్ర జాడేజాలను చెన్నై జట్టు తనతోనే అట్టిపెట్టుకుంది.

ఈ ముగ్గురు ఆటగాళ్లు కాంట్రాక్ట్ పేపర్ల మీద సంతకాలు చేస్తున్న వీడియోను చైన్నై సూపర్ కింగ్స్ అభిమానులతో పంచుకుంది. ధోనీని తమతో ఉంచుకోవడం పక్కా అని తెలిసినా.. రైనా, జడేజా విషయంలో తొలుత అనుమానాలు వ్యక్తం అయ్యాయి. కానీ చెన్నై సూపర్ కింగ్స్ వీటిని కొట్టిపారేసింది. ముగ్గురు స్టార్ ఆటగాళ్లను తమతోపాటే ఉంచుకుంది.

Thakida thakida thakida Thala @msdhoni!#ReturnOfTheSuperKings#SummerIsComing #WhistlePodu #goosebumps 🔥 pic.twitter.com/hnkcXN6QOv — Chennai Super Kings (@ChennaiIPL) January 4, 2018
రెండేళ్ల విరామం తర్వాత చెన్నై జట్టు తరఫున బరిలో దిగబోతున్న సురేశ్ రైనా ఉద్వేగానికి లోనయ్యాడు. వణక్కం చెన్నై. రెండు సంవత్సరాల తర్వాత నా జనం ముందు ఆడబోతున్నాను. గత రెండేళ్లుగా మిమ్మల్ని మిస్సయ్యాను. చెపాక్‌లో చూస్తానంటూ ట్విటర్లో వీడియో పోస్ట్ చేశాడు.