కోహ్లికి ప్రపోజ్ చేసిన వ్యాట్ రియాక్షన్ ఇది!

కోహ్లి నన్ను పెళ్లాడు అని గతంలో ట్వీట్ చేసిన ఇంగ్లాండ్ మహిళా క్రికెటర్ డానియెల్లీ వ్యాట్ గుర్తుందా? మూడేళ్ల కింద ఆమె విరాట్‌కు ట్విట్టర్ ద్వారా ప్రపోజ్ చేయడం అప్పట్లో సంచలనం సృష్టించింది. డిసెంబర్ 11న కోహ్లి, అనుష్క శర్మ పెళ్లి జరిగింది. ఈ నేపథ్యంలో ఆమె రియాక్షన్ సోషల్ మీడియాలో వైరల్‌గా మారింది. ఇంతకూ ఆమె ఏం ట్వీట్ చేసిందనే విషయం పట్ల అభిమానులు ఆసక్తి కనబరిచారు.

‘కాంగ్రచ్యులేషన్స్ కోహ్లి, అనుష్క శర్మ’ అని డానియెల్లీ వ్యాట్ ట్వీట్ చేసింది. గతంలో కోహ్లిపై మనసు పారేసుకొని.. తను మరో అమ్మాయిని పెళ్లాడినా.. హుందాగా వ్యవహరించిన ఇంగ్లాండ్ క్రికెటర్‌పై నెటిజన్లు ప్రశంసలు గుప్పిస్తున్నారు. ఒక్క రోజులోపే ఆమె ట్వీట్‌ను 1400 మంది రీట్వీట్ చేయగా.. దాదాపు ఆరు వేల మంది లైక్ కొట్టారు. జీవితం సాగిపోతుందని.. విరాట్ అభిమాని డానియెల్లీని ఉద్దేశించి ట్వీట్ చేయగా, ఆమె నవ్వుతూ బదులిచ్చారు.

Congratulations @imVkohli & @AnushkaSharma ☺️💍 — Danielle Wyatt (@Danni_Wyatt) December 11, 2017
కోహ్లి ముందు పెళ్లి ప్రతిపాదన ఉంచిన డానియెల్లీ.. 2014లో జరిగిన టీ20 వరల్డ్ కప్ సందర్భంగా అతణ్ని కలిసింది. ప్రపంచ కప్ గెలిచిన ఇంగ్లండ్ జట్టులో సభ్యురాలైన వ్యాట్... విరాట్ గిఫ్ట్‌గా ఇచ్చిన బ్యాట్‌తో యాషెస్ సిరీస్‌కు సన్నద్ధం అవుతున్నానని ఈ మధ్యే ట్వీట్ చేసింది.