ఐర్లాండ్‌తో మంగళవారం రాత్రి జరుగుతున్న రెండో టీ20లో భారత టాప్ ఆర్డర్ బ్యాటర్ దీపక్ హుడా శతకంతో చెలరేగాడు. కేవలం 57 బంతుల్లో 9x4, 6x6 సాయంతో దీపక్ హుడా 104 పరుగులు చేయడంతో మ్యాచ్‌లో టాస్ గెలిచి మొదట బ్యాటింగ్ చేసిన టీమిండియా 7 వికెట్ల నష్టానికి 225 పరుగులు చేసింది. దీపక్ హుడాతో పాటు ఓపెనర్ సంజు శాంసన్ (77: 42 బంతుల్లో 9x4, 4x6) కూడా దూకుడుగా ఆడాడు. అంతర్జాతీయ టీ20ల్లో భారత్ తరఫున ఇప్పటి వరకూ రోహిత్ శర్మ, కేఎల్ రాహుల్, సురేశ్ రైనా మాత్రమే సెంచరీలు నమోదు చేయగా.. తాజాగా ఈ ముగ్గురి సరసన దీపక్ హుడా కూడా చేరాడు.
టీ20 కెరీర్‌లో ఫస్ట్ హాఫ్ సెంచరీ నమోదు చేసిన సంజు శాంసన్.. టీమ్ స్కోరు 189 వద్ద మార్క్ అడైర్ విసిరిన యార్కర్‌కి క్లీన్ బౌల్డయ్యాడు. ఆ తర్వాత కొద్దిసేపటికే శతకాన్ని నమోదు చేసిన దీపక్ హుడా.. జాషువా లిటిల్ బౌలింగ్‌లో ఔటైపోయాడు. క్రీజులోకి వచ్చిన వెంటనే కళ్లుచెదిరే సిక్స్ బాదిన సూర్యకుమార్ యాదవ్ (15: 5 బంతుల్లో 2x4, 1x6) కూడా నిమిషాల వ్యవధిలోనే వికెట్ చేజార్చుకోగా.. దినేశ్ కార్తీక్ (0) అక్షర్ పటేల్ (0) చివర్లో విఫలమయ్యారు. ఒక ఎండ్‌లో వికెట్లు పడుతున్నా కెప్టెన్ హార్దిక్ పాండ్య (15 నాటౌట్: 9 బంతుల్లో 2x4) సమయోచితంగా ఆడి రెండు బౌండరీలు కొట్టడంతో భారత్ 225 పరుగులు చేయగలిగింది.
టీ20 కెరీర్‌లో ఫస్ట్ హాఫ్ సెంచరీ నమోదు చేసిన సంజు శాంసన్.. టీమ్ స్కోరు 189 వద్ద మార్క్ అడైర్ విసిరిన యార్కర్‌కి క్లీన్ బౌల్డయ్యాడు. ఆ తర్వాత కొద్దిసేపటికే శతకాన్ని నమోదు చేసిన దీపక్ హుడా.. జాషువా లిటిల్ బౌలింగ్‌లో ఔటైపోయాడు. క్రీజులోకి వచ్చిన వెంటనే కళ్లుచెదిరే సిక్స్ బాదిన సూర్యకుమార్ యాదవ్ (15: 5 బంతుల్లో 2x4, 1x6) కూడా నిమిషాల వ్యవధిలోనే వికెట్ చేజార్చుకోగా.. దినేశ్ కార్తీక్ (0) అక్షర్ పటేల్ (0) చివర్లో విఫలమయ్యారు. ఒక ఎండ్‌లో వికెట్లు పడుతున్నా కెప్టెన్ హార్దిక్ పాండ్య (15 నాటౌట్: 9 బంతుల్లో 2x4) సమయోచితంగా ఆడి రెండు బౌండరీలు కొట్టడంతో భారత్ 225 పరుగులు చేయగలిగింది.