పాకిస్థాన్‌తో ఆదివారం జరుగుతున్న ఆసియా కప్ 2022 సూపర్-4 మ్యాచ్‌లో సీనియర్ క్రికెటర్ దినేశ్ కార్తీక్‌ని భారత్ పక్కన పెట్టడంపై విమర్శలు వస్తున్నాయి. ఈ మ్యాచ్‌లో టాస్ ఓడిన రోహిత్ శర్మ.. తుది జట్టులో మూడు మార్పులు చేసినట్లు వెల్లడించాడు. గాయం కారణంగా రవీంద్ర జడేజా మ్యాచ్‌కి దూరమవడంతో అతని స్థానంలో హార్దిక్ పాండ్య మళ్లీ జట్టులోకి వచ్చాడు. అలానే జ్వరంతో బాధపడుతున్న అవేష్ ఖాన్ ఈ మ్యాచ్‌కి దూరమవగా.. అతని స్థానంలో స్పిన్నర్ రవి బిష్ణోయ్ జట్టులోకి వచ్చాడు. ఇక్కడి వరకూ ఎవరికీ అభ్యంతరాలు లేవు.
దినేశ్ కార్తీక్‌పై వేటు వేయడం వెనుక టీమిండియా మేనేజ్‌మెంట్ ఆలోచన వేరు. అతని స్థానంలో దీపక్ హుడాని జట్టులోకి తీసుకున్నారు. ఫస్ట్ రెండు మ్యాచ్‌ల్లో హుడా రిజర్వ్ బెంచ్‌పైనే ఉన్నాడు. కానీ.. ఈరోజు మ్యాచ్‌లోకి అతడ్ని తీసుకున్నారు. దానికి కారణం ఏంటంటే? అతడ్ని సిక్త్స్ బౌలర్‌గా ఉపయోగించుకోవాలని భారత్ భావించడమే. రవీంద్ర జడేజా జట్టుకి దూరమవడంతో భారత్ ఐదుగురు బౌలర్లతోనే బరిలోకి దిగాల్సిన పరిస్థితి ఏర్పడింది. అలానే ఒక టాప్ ఆర్డర్ బ్యాటర్ సేవల్ని కోల్పోయినట్లయ్యింది. దాంతో.. దీపక్ హుడా ద్వారా ఆ టాప్ ఆర్డర్ బ్యాటర్ స్థానాన్ని భర్తీ చేయడమే కాకుండా.. అతని ఆఫ్ స్పిన్ బౌలింగ్ కూడా టీమ్‌కి ఉపయోగపడనుంది. దినేశ్ కార్తీక్ వికెట్ కీపర్ కావడంతో అతను బౌలింగ్ చేయలేడు. అదే ఈరోజు అతనిపై వేటుకి కారణమైంది.
దినేశ్ కార్తీక్‌పై వేటు వేయడం వెనుక టీమిండియా మేనేజ్‌మెంట్ ఆలోచన వేరు. అతని స్థానంలో దీపక్ హుడాని జట్టులోకి తీసుకున్నారు. ఫస్ట్ రెండు మ్యాచ్‌ల్లో హుడా రిజర్వ్ బెంచ్‌పైనే ఉన్నాడు. కానీ.. ఈరోజు మ్యాచ్‌లోకి అతడ్ని తీసుకున్నారు. దానికి కారణం ఏంటంటే? అతడ్ని సిక్త్స్ బౌలర్‌గా ఉపయోగించుకోవాలని భారత్ భావించడమే. రవీంద్ర జడేజా జట్టుకి దూరమవడంతో భారత్ ఐదుగురు బౌలర్లతోనే బరిలోకి దిగాల్సిన పరిస్థితి ఏర్పడింది. అలానే ఒక టాప్ ఆర్డర్ బ్యాటర్ సేవల్ని కోల్పోయినట్లయ్యింది. దాంతో.. దీపక్ హుడా ద్వారా ఆ టాప్ ఆర్డర్ బ్యాటర్ స్థానాన్ని భర్తీ చేయడమే కాకుండా.. అతని ఆఫ్ స్పిన్ బౌలింగ్ కూడా టీమ్‌కి ఉపయోగపడనుంది. దినేశ్ కార్తీక్ వికెట్ కీపర్ కావడంతో అతను బౌలింగ్ చేయలేడు. అదే ఈరోజు అతనిపై వేటుకి కారణమైంది.