సచిన్ అభిమాన క్రికెటర్ ఎవరో తెలుసా?

ప్రపంచ క్రికెట్లో సచిన్ అంటే తెలియని వారు లేరు. క్రికెట్ దేవుడిగా అభిమానులు సచిన్ ను ఆరాధిస్తారు. ఆయన తమ అభిమాన క్రికెటర్ అని గర్వంగా చెప్పుకుంటారు. మరి, సచిన్ టెండూల్కర్ కు కూడా అభిమాన క్రికెటర్ ఒకరు ఉన్నారు. అతగాడి బ్యాటింగ్ అంటే సచిన్ కు అమిత ఇష్టం అట. ఇంతకి అతనెవరో తెలుసా?

ఇంకెవరో కాదు.. వీరేంద్ర సెహ్వాగే సచిన్ అభిమాన బ్యాట్స్ మ్యాన్.


ఇటీవల సచిన్ మాట్లాడుతూ వీరూ ఆటకు తాను అభిమానిని అని చెప్పారు. సెహ్వాగ్ బ్యాటింగ్ అంటే చాలా ఇష్టం నాకు. అతని ఆటను నేను అమితంగా ఆస్వాదిస్తా, ఎన్ని పనులున్నా వాటిని కాసేపు పక్కనపెట్టి వీరూ ఆటను చూస్తానని చెప్పారు. వీరూ ఆటతీరు అందరి అంచనాలకు భిన్నంగా ఉంటుందని అతను ఎప్పుడు ఎలా ఆడతాడో కనిపెట్టడం చాలా కష్టమన్నారు. వీరూతో పాటు వెస్టిండీస్ మాజీ క్రికెటర్ బ్రయాన్ లారా, టెన్నిస్ దిగ్గజం రోజర్ ఫెదరర్ కూడా తనకు అత్యంత అభిమాన ఆటగాళ్లని తెలిపారు.