బంతి తగిలి బౌలర్ తలకి తీవ్రగాయం..!

మైదానంలో క్రికెటర్ల భద్రతపై మరోసారి ఆందోళన కలిగించే ఘటన. ఇంగ్లాండ్‌లో జరుగుతున్న నాట్‌వెస్ట్ టీ20 మ్యాచ్‌లో బంతి తగిలి ఒక ఫాస్ట్ బౌలర్ తీవ్రంగా గాయపడ్డాడు. బర్మింగ్ బీర్స్‌ జట్టుతో జరుగుతున్న మ్యాచ్‌లో ఇన్నింగ్స్ నాలుగో ఓవర్ బౌలింగ్‌కి వచ్చిన నాట్స్ ఔట్‌లాస్ జట్టు బౌలర్ లూక్ ఫ్లెచర్ గుడ్‌ లెంగ్త్ బంతిని విసిరాడు. ఈ బంతిని ఓపెనర్ హైన్.. బౌలర్‌ తలపైనుంచి మిడాఫ్‌ దిశగా బౌండరీకి తరలించేందుకు ప్రయత్నించాడు. కానీ.. అనూహ్యంగా బంతి నేరుగా వెళ్లి బౌలర్‌ ఫ్లెచర్ తలకి బలంగా తాకింది.

బంతి తగలగానే నొప్పితో విలవిలలాడిపోయిన.. ఫ్లెచర్ క్షణాల్లో పిచ్‌పైనే కుప్పకూలిపోయాడు. వెంటనే మైదానంలోని సహచరులు అతడ్ని సముదాయించే ఉద్దేశంతో దగ్గరికి వచ్చినా.. గాయం తీవ్రత చూసి సమీపంలో ఉండలేకపోయారు. జట్టు ఫిజియో ప్రథమ చికిత్స చేసిన అనంతరం అంబులెన్స్‌లో ఫ్లెచర్‌ని ఆసుపత్రికి తీసుకెళ్లారు. దీంతో ఆటని దాదాపు 30 నిమిషాల పాటు అంపైర్లు నిలిపివేశారు. ప్రస్తుతం ఫ్లెచర్ ఆరోగ్యం నిలకడగా ఉందని.. కానీ రెండు రోజులు తర్వాత వైద్యులు ప్రమాద స్థితిపై స్పష్టంగా చెప్తామని వెల్లడించినట్లు జట్టు మేనేజ్‌మెంట్ తెలిపింది. ఈ మ్యాచ్‌లో తానేసిన తొలి బంతికే ఫ్లెచర్ గాయపడటం బాధాకరం.

Hope Luke Fletcher is ok, he couldn't do anything. Hope it's just a couple of stitches and he's ok. pic.twitter.com/4C9YnaVq8Y — Marvin Rice (@MarvRice) July 8, 2017