భార్యతో విడిపోయిన ఆసీస్ మాజీ కెప్టెన్

ఆస్ట్రేలియా దిగ్గజ కెప్టెన్ మైకెల్ క్లార్క్ తన భార్యతో విడాకులు తీసుకున్నట్లు తాజాగా ప్రకటించాడు. 2012లో కైలీని వివాహం చేసుకున్న మైకెల్ క్లార్క్.. పరస్పర అంగీకారంతో తాము దూరమవుతున్నట్లు వెల్లడించాడు. కెప్టెన్‌గా ఆస్ట్రేలియా టీమ్‌కి ఎన్నో మరుపురాని విజయాల్ని అందించిన క్లార్క్.. 115 టెస్టులు, 245 వన్డేలు, 34 టీ20 మ్యాచ్‌లు ఆడాడు. గత ఏడాది నుంచి కైలీకి దూరంగా ఉంటున్న క్లార్క్.. ఇటీవల అతని కూతురు 4వ పుట్టిన రోజు వేడుకల్లో భార్యతో సరదాగా కనిపించాడు.

Read More: ఇదేం బాదుడు సర్ఫరాజ్..? 169 నాటౌట్

2015లో అంతర్జాతీయ క్రికెట్‌కి రిటైర్మెంట్ ప్రకటించిన మైకెల్ క్లార్క్.. గత కొంతకాలంగా భార్యతో గొడవపడుతున్నట్లు వార్తలు వస్తున్నాయి. అయితే.. గత ఏడాది అవి పతాక స్థాయికి చేరడంతో ఇద్దరూ వేర్వేరుగా ఉంటున్నట్లు తెలిసింది. కానీ.. కూతురు పుట్టినరోజు వేడుకలు, క్లార్క్ తల్లిదండ్రుల 50వ పెళ్లిరోజు పంక్షన్‌లో ఇద్దరూ సఖ్యతగానే ఉన్నట్లు సన్నిహితులు తెలిపారు. అయితే.. తాజాగా విడాకులు తీసుకున్నట్లు ప్రకటించడం అందర్నీ ఆశ్చర్యపరిచింది.

Read More: ఐపీఎల్‌ 2020కి పవర్ హిట్టర్ దూరం..?

విడాకులపై మైకెల్ క్లార్క్ మాట్లాడుతూ ‘మేము ఇద్దరం ఒకరినొకరు గౌరవించుకుంటున్నాం. అందుకే.. పరస్పర అంగీకారంతో విడిపోయి.. పాప భవిష్యత్ గురించి బాధ్యత తీసుకోవాలని నిర్ణయించుకున్నాం. మాకు ఇన్నిరోజులు ఫ్యామిలీ, సన్నిహితుల చాలా సపోర్ట్ చేశారు. ఈ క్రమంలో కొన్ని విషయాలు వారు రహస్యంగా ఉంచగలిగారు’ అని వెల్లడించాడు.