Ravindra Jadeja వివాదంపై పెదవివిప్పిన మంజ్రేకర్

భారత మాజీ క్రికెటర్, ప్రస్తుత కామెంటేటర్ సంజయ్ మంజ్రేకర్ చుట్టూ ఎప్పుడూ వివాదాలు చక్కర్లు కొడుతూ ఉంటాయి. కామెంట్రీ సమయంలో క్రికెటర్లపైనే కాకుండా సహచర కామెంటేటర్ల విషయంలోనూ నోరుజారడం మంజ్రేకర్‌కి గత కొన్నేళ్లుగా పరిపాటిగా మారిపోయింది. గత ఏడాది ఐపీఎల్ సమయంలో ముంబయి ఇండియన్స్ ఆల్‌రౌండర్ కీరన్ పొలార్డ్‌పై వివాదాస్పద వ్యాఖ్యలు చేసి విమర్శలు ఎదుర్కొన్న మంజ్రేకర్.. ఈ ఏడాది వన్డే ప్రపంచకప్ సమయంలో జడేజాని అరకొర ఆటగాడంటూ ఎద్దేవా చేశాడు. ఆ తర్వాత ఇటీవల కామెంటేటర్ హర్షా భోగ్లే‌ విషయంలోనూ అదే తరహాలో చులకనగా మాట్లాడి మంజ్రేకర్ వార్తల్లో నిలిచాడు.

Read More: undefined
వన్డే ప్రపంచకప్‌లో భారత్, న్యూజిలాండ్‌ మధ్య సెమీస్ మ్యాచ్‌కి ముందు టీమ్ కూర్పు గురించి మాట్లాడిన మంజ్రేకర్.. ‘జడేజా అటు బ్యాట్స్‌మెన్ కాదు.. ఇటు బౌలర్ కాదు. టీమ్‌లోకి వచ్చి పోయే అరకొర ఆటగాడతను’ అని హేళన చేశాడు. దానికి జడేజా కూడా ఘాటుగా స్పందిస్తూ కాస్త హుందాగా వ్యవహరించాలని చురకలేశాడు. ఆ తర్వాత న్యూజిలాండ్‌తో జరిగిన సెమీస్ మ్యాచ్‌లో 59 బంతుల్లోనే 4x4, 4x6 సాయంతో 77 పరుగులు చేసిన జడేజా.. భారత్‌ని గెలిపించేలా కనిపించాడు. కానీ.. టీమిండియా ఆఖరికి 18 పరుగుల తేడాతో ఓడిపోగా.. జడేజా ఇన్నింగ్స్‌కి మాత్రం ప్రశంసలు లభించాయి.

Read More: పాకిస్థాన్ జట్టులోకి మళ్లీ సర్ఫరాజ్ అహ్మద్..?

జడేజా ఇన్నింగ్స్‌ తర్వాత నా వ్యాఖ్యల్ని అతను పీస్ పీస్ చేసేశాడంటూ తప్పుని ఒప్పుకున్న మంజ్రేకర్.. తాజాగా ఆ అరకొర వ్యాఖ్యల్ని చేయడం వెనుక కారణాన్ని వివరించాడు. ‘సాధారణంగా జట్టులో నిలకడలేని ఆటగాడి గురించి మాట్లాడే సమయంలో అరకొర క్రికెటర్ అని అందరూ ప్రస్తావిస్తుంటారు. నేను కూడా అదే తరహాలో ఆ మాటని ప్రస్తావించాను. కానీ.. ఆ వ్యాఖ్యలు చేసిన మరుసటి రోజే జడేజా విధ్వంసక ఇన్నింగ్స్‌తో చెలరేగిపోయాడు. గతంలో ఎప్పుడూ జడేజా ఆ తరహాలో ఆడటం నేను చూడలేదు’ అని మంజ్రేకర్ వెల్లడించాడు.