రాహుల్ ద్రవిడ్ కొడుకు సమిత్ డబుల్ సెంచరీ

భారత మాజీ కెప్టెన్ రాహుల్ ద్రవిడ్ కొడుకు సమిత్ ద్రవిడ్ మరోసారి సంచలన ఇన్నింగ్స్‌తో ఆకట్టుకున్నాడు. స్కూల్ క్రికెట్‌లో ఇప్పటికే సెంచరీలతో వెలుగులోకి వచ్చిన సమిత్.. తాజాగా అండర్-14 జోనల్ టోర్నమెంట్‌లో ఏకంగా డబుల్ సెంచరీ బాదేశాడు. బ్యాట్‌తోనే కాదు.. బౌలింగ్‌లోనూ సత్తాచాటిన సమిత్ మూడు వికెట్లు కూడా పడగొట్టడం విశేషం. కానీ.. మ్యాచ్ ఆఖరికి డ్రాగా ముగిసింది.

Read More: జయసూర్య 22 ఏళ్ల రికార్డ్ ముంగిట రోహిత్ శర్మ
టోర్నమెంట్‌లో వైస్ ప్రెసిడెంట్స్ ఎలెవన్ టీమ్‌కి ఆడుతున్న సమిత్ ద్రవిడ్ తాజాగా ధార్వాడ్ జోన్‌‌తో కోల్‌కతా వేదికగా జరిగిన మ్యాచ్‌లో 201 పరుగులు చేశాడు. మ్యాచ్ తొలి ఇన్నింగ్స్‌లో 256 బంతులు ఎదుర్కొన్న ఈ బుడతడు ఏకంగా 22 ఫోర్లు కొట్టడం విశేషం. ఆ తర్వాత రెండో ఇన్నింగ్స్‌లోనూ సమిత్ ద్రవిడ్ 94 పరుగులతో అజేయంగా నిలిచాడు.

Also Read: IPL 2020: KKR టీమ్ సెలక్షన్‌పై గంభీర్ విసుర్లు
అంతర్జాతీయ క్రికెట్‌కి రిటైర్మెంట్ ప్రకటించిన తర్వాత భారత్ అండర్-19, భారత్-ఎ జట్టుకి కోచ్‌గా సేవలు అందించిన రాహుల్ ద్రవిడ్.. ఇటీవల బెంగళూరులోని నేషనల్ క్రికెట్ అకాడమీ (ఎన్‌సీఏ) అధ్యక్షుడిగా బాధ్యతలు చేపట్టాడు. భారత క్రికెటర్లు ఎవరైనా గాయపడితే..? ఈ అకాడమీ వారు మళ్లీ ఫిట్‌నెస్ సాధించేందుకు సాయపడుతుంది.

Read More: MI Squad 2020: ముంబయి ఇండియన్స్ టీమ్‌లోకి మరో హిట్టర్