యాప్నగరం

IND vs IRE 1st 20‌లో నెం.3లో అతనికి ఛాన్స్ ఇవ్వండి: రవిశాస్త్రి

Rahul Tripathi ఇటీవల ముగిసిన ఐపీఎల్ 2022 సీజన్‌లో అదరగొట్టేశాడు. సన్‌రైజర్స్ హైదరాబాద్ టీమ్‌కి ఆడిన త్రిపాఠి నెం.3లో ఆడి 14 మ్యాచ్‌ల్లో 413 రన్స్ చేశాడు. దాంతో.. భారత సెలెక్టర్ల నుంచి పిలుపు వెళ్లింది.

Authored byరాజేంద్ర గాలేటి | Samayam Telugu 25 Jun 2022, 1:32 pm

ప్రధానాంశాలు:

  • ఐర్లాండ్‌తో టీ20 సిరీస్‌కి ఎంపికైన రాహుల్ త్రిపాఠి
  • ఐపీఎల్ 2022 సీజన్‌లో 413 పరుగులు
  • భారత సెలెక్టర్ల నుంచి ఫస్ట్ టైమ్ పిలుపు
  • నెం.3లో అతడ్ని ఆడించాలన్న రవిశాస్త్రి
హైలైట్స్ చదవాలంటే యాప్‌ను డౌన్‌లోడ్ చేసుకోండి
Samayam Telugu Team India, Rahul Tripathi  (Pic Source: Twitter)
ఐర్లాండ్‌తో డబ్లిన్ వేదికగా ఆదివారం రాత్రి జరగనున్న ఫస్ట్ టీ20లో రాహుల్ త్రిపాఠికి భారత్ తుది జట్టులో అవకాశమివ్వాలని మాజీ హెడ్ కోచ్ రవిశాస్త్రి సూచించాడు. ఐపీఎల్ 2022 సీజన్‌లో సన్‌రైజర్స్ హైదరాబాద్ టీమ్‌కి ఆడిన రాహుల్ త్రిపాఠి.. 14 మ్యాచ్‌ల్లో 413 పరుగులు చేశాడు. సీజన్‌లో అతని స్ట్రైక్‌రేట్ 158.24గా ఉండటం విశేషం. నెం.3లో బ్యాటింగ్ చేసిన త్రిపాఠి.. సన్‌రైజర్స్ హైదరాబాద్ స్కోరు బోర్డుని అమాంతం పెంచేస్తూ కనిపించాడు.
ఐపీఎల్ 2022 సీజన్‌లో రాహుల్ త్రిపాఠి నిలకడగా రాణించడంతో ఐర్లాండ్‌తో టీ20 సిరీస్ కోసం అతడ్ని భారత్ జట్టులోకి సెలెక్టర్లు ఎంపిక చేశారు. సుదీర్ఘకాలంగా ఐపీఎల్‌లో ఆడుతున్న 31 ఏళ్ల రాహుల్ త్రిపాఠి.. భారత్ జట్టులోకి ఎంపికవడం ఇదే తొలిసారి. దాంతో.. ఐర్లాండ్‌తో సిరీస్‌లో అతడ్ని తుది జట్టులోకి తీసుకోవడంతో పాటు నెం.3లో ఆడించాలని రవిశాస్త్రి సూచించాడు.

‘‘రాహుల్ త్రిపాఠి క్రీజులో ఉంటే స్కోరు బోర్డు పరుగులు పెడుతుంది. అతను ఏ బౌలర్ లేదా ప్రత్యర్థికి భయపడడు. చాలా వేగంగా పరుగులు రాబట్టగలడు. అందుకోసం భారీ షాట్లు ఆడే సామర్థ్యం కూడా అతనికి ఉంది. బ్యాటింగ్ ఆర్డర్‌లో నెం.3 స్థానం చాలా కీలకమైనది. ఆ స్థానంలో రాహుల్ త్రిపాఠి అందంగా ఆడగలడు’’ అని రవిశాస్త్రి చెప్పుకొచ్చాడు.
రచయిత గురించి
రాజేంద్ర గాలేటి
గాలేటి రాజేంద్ర సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పనిచేస్తున్నారు. ఇక్కడ స్పోర్ట్స్, సినిమాకి సంబంధించిన వార్తలు, విశ్లేషణలు రాస్తుంటారు. క్రికెట్ అంటే అమితమైన ఇష్టం. మ్యాచ్‌లకి సంబంధించి ఆసక్తికరమైన కథనాల్ని అందిస్తుంటారు. ఈయనకి జర్నలిజంలో 10 ఏళ్లకి పైగా అనుభవం ఉంది. గతంలో ఈనాడు.నెట్‌లో పనిచేశారు. అంతకముందు జర్నలిజంలో పీజీ చేయడంతో పాటు ఈనాడు జర్నలిజం స్కూల్‌లో శిక్షణ పొందారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.