టీ20 వరల్డ్‌ కప్ 2022 కోసం భారత జట్టు ఎంపికలో మాజీ హెడ్ కోచ్ రవిశాస్త్రి సూచనల్ని సెలెక్టర్లు పట్టించుకోలేదని తెలుస్తోంది. అక్టోబరు 16 నుంచి ఆస్ట్రేలియా గడ్డపై జరగనున్న ఈ మెగా టోర్నీ కోసం సోమవారం సాయంత్రం 15 మందితో కూడిన జట్టుని భారత సెలెక్టర్లు ప్రకటించారు. ఈ టీమ్‌లో రిషబ్ పంత్, దినేశ్ కార్తీక్ రూపంలో ఇద్దరు వికెట్ కీపర్లకి ఛాన్స్ ఇచ్చిన భారత సెలెక్టర్లు.. సంజు శాంసన్‌ని మాత్రం పక్కన పెట్టారు. దినేశ్ కార్తీక్‌ని ఫినిషర్‌గా ఎంపిక చేసి రెండో వికెట్ కీపర్‌ కోటాలో సంజు శాంసన్‌కి చోటిస్తారని మాజీలు అంచనా వేశారు. కానీ సంజూకి మొండిచేయి తప్పలేదు.
వాస్తవానికి ఈ ఏడాది అంతర్జాతీయ టీ20ల్లో భారత వికెట్ కీపర్లు రిషబ్ పంత్, దినేశ్ కార్తీక్, ఇషాన్ కిషన్ కంటే సంజు శాంసన్ నిలకడగా రాణించాడు. స్ట్రైక్‌రేట్‌లోనూ సంజూనే మెరుగు. సంజు 44.7 సగటు, 158.4 స్ట్రైక్‌రేట్‌తో పరుగులు చేయగా.. రిషబ్ పంత్ 25.9 & 133.5, దినేశ్ కార్తీక్ 21.4 & 133.3తో ఉండటం గమనార్హం.
వాస్తవానికి ఈ ఏడాది అంతర్జాతీయ టీ20ల్లో భారత వికెట్ కీపర్లు రిషబ్ పంత్, దినేశ్ కార్తీక్, ఇషాన్ కిషన్ కంటే సంజు శాంసన్ నిలకడగా రాణించాడు. స్ట్రైక్‌రేట్‌లోనూ సంజూనే మెరుగు. సంజు 44.7 సగటు, 158.4 స్ట్రైక్‌రేట్‌తో పరుగులు చేయగా.. రిషబ్ పంత్ 25.9 & 133.5, దినేశ్ కార్తీక్ 21.4 & 133.3తో ఉండటం గమనార్హం.