భారత మాజీ క్రికెటర్ రాబిన్‌కి రూ.500 జరిమానా.. కారు సీజ్

లాక్‌డౌన్ నిబంధనల్ని ఉల్లఘించిన భారత మాజీ క్రికెటర్ రాబిన్ సింగ్‌కి రూ.500 జరిమానా పడింది. చెన్నైలో కూరగాయాల్ని కొనుగోలు చేసేందుకు కారులో వెళ్లిన 56 ఏళ్ల రాబిన్ సింగ్.. రూల్స్‌ని బ్రేక్ చేసినట్లు నిర్ధారించిన పోలీసులు అతనికి జరిమానా విధించడంతో కారుని కూడా సీజ్ చేశారు. భారత్ తరఫున రాబిన్ సింగ్ 136 వన్డేలు, ఒక టెస్టు మ్యాచ్‌ ఆడాడు.

Read More: ఇంగ్లాండ్ స్టార్ బౌలర్‌కి కరోనా నెగటివ్.. సిరీస్‌కి లైన్‌ క్లియర్

తమిళనాడులో మరీ ముఖ్యంగా చెన్నైలో కరోనా వైరస్ వ్యాప్తి పతాక స్థాయిలో ఉండటంతో.. పోలీసులు లాక్‌డౌన్ రూల్స్‌ని కఠినంగా అమలు చేస్తున్నారు. రెండు కిలోమీటర్ల పరిధి దాటి ఎవరైనా వస్తే..? వారికి జరిమానాతో పాటు వాహనాల్ని సీజ్ చేస్తున్నారు. తాజాగా రాబిన్ సింగ్ ఆద్యర్ నుంచి ఉత్తండికి కూరగాయాల్ని కొనుగోలు చేసేందుకు కారులో వచ్చాడు.

Read More: హరితహారానికి మద్దతు.. మొక్కలు నాటిన భారత క్రికెటర్

రాబిన్ సింగ్ కారుని ఆపిన పోలీసులు.. అతని వద్ద ఎలాంటి ఈ-పాస్, వ్యాలిడ్ రీజన్ లేకపోవడంతో.. నిబంధనల్ని ఉల్లఘించినట్లు తేల్చారు. చెన్నై, రాష్ట్రంలోని మూడు జిల్లాలో జూన్ 19 నుంచి లాక్‌డౌన్ నిబంధనల్ని తమిళనాడు ప్రభుత్వం సీరియస్‌గా కొనసాగిస్తోంది. రూల్స్ ఎవరు బ్రేక్ చేసినా.. ఉపేక్షించడం లేదు. తాజాగా సీజ్ చేసిన రాబిన్ సింగ్ కారుని శాస్త్రి నగర్ పోలీస్ స్టేషన్‌కి తరలించారు.

Read More: వెస్టిండీస్ బౌలర్ల కట్టడికే బౌన్సర్‌ రూల్ తెరపైకి..!: డారెన్ సామీ

1999 వన్డే ప్రపంచకప్‌లో భారత్ తరఫున మ్యాచ్‌లు ఆడిన రాబిన్ సింగ్.. ఫీల్డింగ్ కోచ్‌గా కూడా పనిచేశాడు. ఆ తర్వాత ఐపీఎల్‌లో ముంబయి ఇండియన్స్ టీమ్‌ కోచ్‌గానూ బాధ్యతలు నిర్వర్తించాడు.