భారత దిగ్గజ క్రికెటర్ సచిన్ టెండూల్కర్ (Sachin Tendulkar) ఒకప్పటి సహచర ఆటగాడు వినోద్ కాంబ్లి (Vinod Kambli) పని కోసం ఇప్పుడు ముంబయి క్రికెట్ అసోషియేషన్ని అభ్యర్థిస్తున్నాడు. సచిన్‌తో కలిసి స్కూల్ డేస్‌లోనే వరల్డ్‌ రికార్డ్ నెలకొల్పిన వినోద్ కాంబ్లి.. అంతర్జాతీయ క్రికెట్‌లోనూ తన ఎంట్రీని ఘనంగా చాటుకున్నాడు. భారత్ తరఫున ఆడిన మొదటి ఏడు టెస్టుల్లోనే 113.29 సగటుతో 793 పరుగులు చేశాడు. ఇందులో రెండు డబుల్ సెంచరీలు కూడా ఉన్నాయి.
కెరీర్‌లో 17 టెస్టులు, 104 వన్డేలు ఆడిన వినోద్ కాంబ్లి రిటైర్మెంట్ తర్వాత క్రికెట్‌కి పూర్తిగా దూరమైపోయాడు. సాధారణంగా క్రికెటర్లు రిటైర్మెంట్ ప్రకటించిన తర్వాత కామెంటేటర్, కోచ్ లేదా అకాడమీలని ఏర్పాటు చేసుకుని స్థిరపడిపోతుంటారు. కానీ వినోద్ కాంబ్లి మాత్రం బీసీసీఐ అందిస్తున్న పెన్షన్‌తో జీవనం సాగిస్తూ వచ్చాడు. ప్రస్తుతం అతనికి బీసీసీఐ రూ.30,000 పెన్షన్ ఇస్తోంది. అయితే ఇప్పుడు ఆ పెన్షన్ సరిపోవడం లేదని తాజాగా ఓ ఇంటర్వ్యూలో చెప్పుకొచ్చిన వినోద్ కాంబ్లి ముంబయి క్రికెట్ అసోషియేషన్ని పని కోసం రిక్వెస్ట్ చేస్తున్నట్లు వెల్లడించాడు. ఫ్యామిలీని చూసుకునేందుకు క్రికెట్ పరంగా కోచ్ లేదా ఏదైనా పనిలో చేరాలని నిర్ణయించుకున్నట్లు 50 ఏళ్ల వినోద్ కాంబ్లి చెప్పుకొచ్చాడు.
కెరీర్‌లో 17 టెస్టులు, 104 వన్డేలు ఆడిన వినోద్ కాంబ్లి రిటైర్మెంట్ తర్వాత క్రికెట్‌కి పూర్తిగా దూరమైపోయాడు. సాధారణంగా క్రికెటర్లు రిటైర్మెంట్ ప్రకటించిన తర్వాత కామెంటేటర్, కోచ్ లేదా అకాడమీలని ఏర్పాటు చేసుకుని స్థిరపడిపోతుంటారు. కానీ వినోద్ కాంబ్లి మాత్రం బీసీసీఐ అందిస్తున్న పెన్షన్‌తో జీవనం సాగిస్తూ వచ్చాడు. ప్రస్తుతం అతనికి బీసీసీఐ రూ.30,000 పెన్షన్ ఇస్తోంది. అయితే ఇప్పుడు ఆ పెన్షన్ సరిపోవడం లేదని తాజాగా ఓ ఇంటర్వ్యూలో చెప్పుకొచ్చిన వినోద్ కాంబ్లి ముంబయి క్రికెట్ అసోషియేషన్ని పని కోసం రిక్వెస్ట్ చేస్తున్నట్లు వెల్లడించాడు. ఫ్యామిలీని చూసుకునేందుకు క్రికెట్ పరంగా కోచ్ లేదా ఏదైనా పనిలో చేరాలని నిర్ణయించుకున్నట్లు 50 ఏళ్ల వినోద్ కాంబ్లి చెప్పుకొచ్చాడు.