భారత జట్టు కెప్టెన్సీ ఎవరి జన్మ హక్కు కాదని మాజీ ఓపెనర్ గౌతమ్ గంభీర్ అభిప్రాయపడ్డాడు. టెస్టు కెప్టెన్సీకి గత శనివారం రాత్రి విరాట్ కోహ్లీ గుడ్ బై చెప్పేయగా.. ఇప్పటికే టీ20, వన్డే కెప్టెన్సీకి కూడా అతను దూరమైన విషయం తెలిసిందే. దాంతో.. ఇకపై వన్డే, టీ20లతో పాటు టెస్టుల్లోనూ కేవలం బ్యాట్స్‌మెన్‌గా మాత్రమే విరాట్ కోహ్లీ కొనసాగనున్నాడు. జనవరి 19 నుంచి భారత్, దక్షిణాఫ్రికా మధ్య మూడు వన్డేల సిరీస్ ప్రారంభంకానుండగా.. ఈ సిరీస్‌కి రోహిత్ శర్మ స్థానంలో కెప్టెన్‌గా కేఎల్ రాహుల్‌ని ఎంపిక చేసిన భారత సెలెక్టర్లు.. వైస్ కెప్టెన్సీ బాధ్యతల్ని జస్‌‌‌ప్రీత్ బుమ్రాకి అప్పగించారు.
విరాట్ కోహ్లీ అంటేనే ఒంటికాలిపై లేచే గౌతమ్ గంభీర్.. సుదీర్ఘకాలంగా కోహ్లీ ఐసీసీ, ఐపీఎల్ టైటిల్స్ గెలవలేకపోతున్న బలహీనతని ఎత్తిచూపుతూనే ఉన్నాడు. గత ఏడాది ఐపీఎల్‌లో రాయల్ ఛాలెంజర్స్ బెంగళూరు టీమ్ కెప్టెన్సీకి కూడా విరాట్ కోహ్లీ గుడ్ బై చెప్పేసిన విషయం తెలిసిందే. దాంతో.. ఇకపై ఏ ఫార్మాట్‌లోనూ కోహ్లీని కెప్టెన్‌గా అభిమానులు చూసే అవకాశం లేకుండా పోయింది.
విరాట్ కోహ్లీ అంటేనే ఒంటికాలిపై లేచే గౌతమ్ గంభీర్.. సుదీర్ఘకాలంగా కోహ్లీ ఐసీసీ, ఐపీఎల్ టైటిల్స్ గెలవలేకపోతున్న బలహీనతని ఎత్తిచూపుతూనే ఉన్నాడు. గత ఏడాది ఐపీఎల్‌లో రాయల్ ఛాలెంజర్స్ బెంగళూరు టీమ్ కెప్టెన్సీకి కూడా విరాట్ కోహ్లీ గుడ్ బై చెప్పేసిన విషయం తెలిసిందే. దాంతో.. ఇకపై ఏ ఫార్మాట్‌లోనూ కోహ్లీని కెప్టెన్‌గా అభిమానులు చూసే అవకాశం లేకుండా పోయింది.