యాప్నగరం

మ్యాక్స్‌వెల్.. ఆ ఘనత సాధించిన రెండో ఆసీస్ ప్లేయర్

రాంచీ టెస్టులో సెంచరీ చేసిన గ్లెన్ మ్యాక్స్‌వెల్ అతి కొద్ది మంది క్రికెటర్లకు మాత్రమే సాధ్యమైన అరుదైన ఫీట్ సాధించాడు.

TNN 17 Mar 2017, 3:34 pm
రాంచీ టెస్టులో సెంచరీ చేసిన గ్లెన్ మ్యాక్స్‌వెల్ అతి కొద్ది మంది క్రికెటర్లకు మాత్రమే సాధ్యమైన అరుదైన ఫీట్ సాధించాడు. మూడు ఫార్మాట్లలోనూ సెంచరీ సాధించిన ఆటగాళ్ల జాబితాలో చోటు సంపాదించాడు. దాదాపు మూడేళ్ల తర్వాత టెస్టు మ్యాచ్ ఆడిన మ్యాక్స్‌వెల్ తొలి మ్యాచ్‌లోనే శతకం బాదాడు. 140 పరుగులకే నాలగు వికెట్లు కోల్పోయిన ఆసీస్‌ను స్మిత్‌లో కలిసి ఆదుకున్నాడు. ఈ మ్యాచ్ ముందు వరకూ టెస్టుల్లో కనీసం అర్ధ సెంచరీ కూడా సాధించని మ్యాక్స్‌వెల్ 185 బంతులు ఆడి 104 పరుగులు చేశాడు. దీంతో ఆసీస్ రాంచీ టెస్టులో మెరుగైన స్థితిలో నిలిచింది. ఆరోస్థానంలో బ్యాటింగ్‌కు దిగి శతకం బాదిన తొలి ఆసీస్ ప్లేయర్ మ్యాక్స్‌వెల్ కావడం విశేషం.
Samayam Telugu glenn maxwell becomes 2nd australian to score tons in three formats
మ్యాక్స్‌వెల్.. ఆ ఘనత సాధించిన రెండో ఆసీస్ ప్లేయర్


ధోనీ సొంత గడ్డ మీద సెంచరీ బాదిన మ్యాక్స్‌వెల్ మూడు ఫార్మాట్లలో సెంచరీ సాధించిన రెండో ఆస్ట్రేలియా బ్యాట్స్‌మెన్‌గా రికార్డులకెక్కాడు. ఇప్పటి వరకూ షేన్ వాట్సన్ మాత్రమే ఈ ఫీట్ సాధించాడు. మ్యాక్స్‌వెల్ రాంచీ టెస్టులో సెంచరీ చేసి తన సరసన నిలవడం పట్ల వాట్సన్ ఆనందం వ్యక్తం చేశాడు. భారత క్రికెటర్ల విషయానికి వస్తే.. సురేశ్ రైనా, రోహిత్ శర్మ, కేఎల్ రాహుల్ మూడు ఫార్మాట్లలోనూ శతకాలు చేశారు. శ్రీలంక నుంచి ఇద్దరు బ్యాట్స్‌మెన్ ఈ రికార్డు సాధించారు. జయవర్ధనే, దిల్షాన్‌లు టెస్టు, వన్డే, టీ20ల్లో సెంచరీలు చేశారు. విండీస్ ప్లేయర్ క్రిస్ గేల్, న్యూజిలాండ్ ఆటగాళ్లు మెక్‌కల్లమ్, మార్టిన్ గుప్టిల్, సౌతాఫ్రిక ప్లేయర్ డుప్లెసిస్‌లు ఈ ఫీట్ సాధించారు. పాక్ ప్లేయర్ అహ్మద్ షెంజాద్, బంగ్లాదేశ్ ఆటగాడు తమీమ్ ఇక్బాల్ కూడా మూడు ఫార్మాట్లలో సెంచరీలు చేశారు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.