కంగారూలకి వరుసగా షాక్‌లిచ్చిన అక్షర్

నాగ్‌పూర్ వేదికగా జరుగుతున్న చివరి వన్డేలో ఆస్ట్రేలియా జట్టుకి భారత స్పిన్నర్ అక్షర్‌పటేల్ వరుస షాక్‌లిచ్చి ఒత్తిడిలో పడేశాడు. ఇన్నింగ్స్‌ 23వ ఓవర్ వేసిన అక్షర్ పటేల్ బౌలింగ్‌లో క్రీజు వెలుపలికి వచ్చి షాట్ కోసం ప్రయత్నిస్తూ.. ఓపెనర్ డేవిడ్ వార్నర్ (53: 62 బంతుల్లో 5x4) ఫీల్డర్ మనీశ్ పాండే చేతికి చిక్కాడు. అనంతరం 25వ ఓవర్‌ వేసిన అక్షర్ బౌలింగ్‌లోనే పీటర్ హ్యాండ్స్‌కబ్ (13: 17 బంతుల్లో) ఫీల్డర్ రహానెకి క్యాచ్ ఇచ్చి ఔటయ్యాడు. దీంతో ఆస్ట్రేలియా 118 పరుగుల వద్ద నాలుగో వికెట్ కోల్పోయింది.

అక్షర్ పటేల్ విసిరిన బంతిని హ్యాండ్స్‌కబ్ స్వీప్ చేసేందుకు ప్రయత్నించాడు. కానీ.. బంతి అతని బ్యాట్ టాప్ ఎడ్జ్‌ని తాకి స్లిప్‌లో గాల్లోకి లేచింది. వెనక్కి పరుగెత్తుకుంటూ వెళ్లి రహానె చక్కగా క్యాచ్ అందుకున్నాడు. 100 పరుగుల వద్ద స్మీ‌వ్ స్మిత్ ఔటవగా.. 112 వద్ద వార్నర్, 118 వద్ద హ్యాండ్స్‌కబ్ ఔటవడంతో ఆస్ట్రేలియాపై ఒత్తిడి పెరిగింది.