ఆస్ట్రేలియాతో డే/నైట్ టెస్టు ఆడేందుకు భారత్ జట్టు ఎందుకు వెనకడుగు వేస్తోందో తనకి అర్థంకావడం లేదని వెటరన్ స్పిన్నర్ హర్భజన్ సింగ్ వెల్లడించాడు. నవంబరు 21 నుంచి ఆస్ట్రేలియాలో పర్యటించనున్న భారత్ జట్టు అక్కడ మూడు టీ20లు, నాలుగు టెస్టులు, మూడు వన్డేల సుదీర్ఘ సిరీస్ని ఆడనుంది. ఈ సిరీస్లో భాగంగానే 2019, జనవరి 3 నుంచి 7 వరకు సిడ్నీలో జరగనున్న నాలుగో టెస్టుని.. డే/నైట్ టెస్టుగా గులాబీ బంతితో నిర్వహించాలని క్రికెట్ ఆస్ట్రేలియా (సీఏ) యోచిస్తోంది. అయితే.. ఈ ప్రతిపాదనపై టీమిండియా ఆటగాళ్లు, కోచ్ రవిశాస్త్రి అభ్యంతరాలు వ్యక్తం చేయడంతో.. డే/నైట్ టెస్టు ఆలోచనని పక్కనపెట్టాలని సీఏకి బీసీసీఐ తేల్చి చెప్పింది. దీంతో డే/నైట్ టెస్టు ఆడితే ఓడిపోతామనే భయంతోనే భారత్ వెనక్కి తగ్గుతోందని ఆస్ట్రేలియా మాజీ క్రికెటర్లు నోటికి పనిచెప్పారు.
‘భారత్ డే/నైట్ టెస్టుని ఎందుకు ఆడనంటుందో నాకు అర్థంకావడం లేదు. ఆ ఫార్మాట్ చాలా ఆసక్తికరంగా ఉంటుంది. తప్పకుండా టీమిండియా ఓ సారి ప్రయత్నించాలి. ఫ్లడ్లైట్ల వెలుగులో గులాబీ బంతితో ఆడటంలో ఏమైనా ఇబ్బందా..? ఒకసారి ఆడితే అదే అలవాటు అవుతుంది. డే/నైట్ టెస్టు అంత కష్టంగా ఏమీ ఉండకపోవచ్చు’ అని హర్భజన్ సింగ్ వెల్లడించాడు. ఐపీఎల్ 2018 సీజన్లో చెన్నై సూపర్ కింగ్స్ తరఫున ఆడుతున్న హర్భజన్ సింగ్.. ఆశించిన స్థాయిలో రాణించలేకపోతున్నాడు. టీమిండియా తరఫున భజ్జీ 2015, ఆగస్టు 12న చివరి టెస్టు మ్యాచ్ ఆడాడు.
‘భారత్ డే/నైట్ టెస్టుని ఎందుకు ఆడనంటుందో నాకు అర్థంకావడం లేదు. ఆ ఫార్మాట్ చాలా ఆసక్తికరంగా ఉంటుంది. తప్పకుండా టీమిండియా ఓ సారి ప్రయత్నించాలి. ఫ్లడ్లైట్ల వెలుగులో గులాబీ బంతితో ఆడటంలో ఏమైనా ఇబ్బందా..? ఒకసారి ఆడితే అదే అలవాటు అవుతుంది. డే/నైట్ టెస్టు అంత కష్టంగా ఏమీ ఉండకపోవచ్చు’ అని హర్భజన్ సింగ్ వెల్లడించాడు. ఐపీఎల్ 2018 సీజన్లో చెన్నై సూపర్ కింగ్స్ తరఫున ఆడుతున్న హర్భజన్ సింగ్.. ఆశించిన స్థాయిలో రాణించలేకపోతున్నాడు. టీమిండియా తరఫున భజ్జీ 2015, ఆగస్టు 12న చివరి టెస్టు మ్యాచ్ ఆడాడు.