టీమిండియా యువ ఫాస్ట్ బౌలర్ ఉమ్రాన్ మాలిక్ (Umran Malik) తాను ఆడిన ఫస్ట్ టీ20 సిరీస్‌లోనే ఒత్తిడిని అధిగమిస్తూ జట్టుని గెలిపించాడు. డబ్లిన్ వేదికగా మంగళవారం రాత్రి ముగిసిన రెండో టీ20 మ్యాచ్‌లో ఐర్లాండ్ (Ireland) విజయానికి చివరి 6 బంతుల్లో 17 పరుగులు అవసరమవగా.. ఆఖరి ఓవర్‌ని బౌలింగ్ చేసిన ఉమ్రాన్ మాలిక్ తొలుత తడబడినా.. ఆ తర్వాత పుంజుకుని 4 పరుగుల తేడాతో టీమిండియా(Team India)ని గెలిపించాడు. అంతర్జాతీయ క్రికెట్‌లోకి ఇటీవల ఎంట్రీ ఇచ్చిన ఉమ్రాన్ మాలిక్‌కి ఇది రెండో మ్యాచ్ మాత్రమే.
అంతర్జాతీయ క్రికెట్ అనుభవంలేని ఉమ్రాన్ మాలిక్‌తో ఆఖరి ఓవర్‌ని బౌలింగ్ చేయించడానికి గల కారణాన్ని కెప్టెన్ హార్దిక్ పాండ్య (Hardik Pandya) వెల్లడించాడు. ‘‘ఉమ్రాన్ మాలిక్‌కి సపోర్ట్‌గా ఉండాలనుకున్నా. అతని బౌలింగ్‌లో మంచి వేగం ఉంది. ఆ పేస్‌ని ఎదుర్కొని చివరి ఓవర్‌లో 17 పరుగులు చేయడం కష్టం. అందుకే అతనితో బౌలింగ్ చేయించా. ఐర్లాండ్ బ్యాటర్లు కూడా అద్భుతమైన షాట్లు ఆడారు. కానీ.. మా బౌలర్లు చివర్లో ఒత్తిడిని అధిగమిస్తూ బౌలింగ్ చేశారు. ఈ గెలుపు ఘనత మా బౌలర్లకే దక్కుతుంది’’ అని హార్దిక్ చెప్పుకొచ్చాడు.
అంతర్జాతీయ క్రికెట్ అనుభవంలేని ఉమ్రాన్ మాలిక్‌తో ఆఖరి ఓవర్‌ని బౌలింగ్ చేయించడానికి గల కారణాన్ని కెప్టెన్ హార్దిక్ పాండ్య (Hardik Pandya) వెల్లడించాడు. ‘‘ఉమ్రాన్ మాలిక్‌కి సపోర్ట్‌గా ఉండాలనుకున్నా. అతని బౌలింగ్‌లో మంచి వేగం ఉంది. ఆ పేస్‌ని ఎదుర్కొని చివరి ఓవర్‌లో 17 పరుగులు చేయడం కష్టం. అందుకే అతనితో బౌలింగ్ చేయించా. ఐర్లాండ్ బ్యాటర్లు కూడా అద్భుతమైన షాట్లు ఆడారు. కానీ.. మా బౌలర్లు చివర్లో ఒత్తిడిని అధిగమిస్తూ బౌలింగ్ చేశారు. ఈ గెలుపు ఘనత మా బౌలర్లకే దక్కుతుంది’’ అని హార్దిక్ చెప్పుకొచ్చాడు.