యాప్నగరం

క్రికెటర్ హర్మన్‌ప్రీత్ కౌర్‌కి ప్రమోషన్..!

ఇంగ్లాండ్‌లో ముగిసిన ఐసీసీ మహిళల ప్రపంచకప్‌లో ఆస్ట్రేలియాపై సంచలన ఇన్నింగ్స్‌తో వెలుగులోకి వచ్చిన హిట్టర్ హర్మన్‌ప్రీత్‌ కౌర్‌కి

TNN 9 Sep 2017, 6:59 pm
ఇంగ్లాండ్‌లో ముగిసిన ఐసీసీ మహిళల ప్రపంచకప్‌లో ఆస్ట్రేలియాపై సంచలన ఇన్నింగ్స్‌తో వెలుగులోకి వచ్చిన హిట్టర్ హర్మన్‌ప్రీత్‌ కౌర్‌కి ప్రమోషన్ లభించింది. గత మూడేళ్లుగా ముంబయి వెస్ట్రన్ రైల్వేస్‌లో ఆఫీస్ చీఫ్ సూపరింటెండెంట్‌గా పనిచేస్తున్న కౌర్‌కి రైల్వేస్ స్పోర్ట్స్ విభాగం‌లో ఆఫీసర్ ఆన్ స్పెషల్ డ్యూటీ (ఓఎస్డీ)‌గా శనివారం పదోన్నతి లభించింది. సెమీ ఫైనల్ మ్యాచ్‌లో హర్మన్‌ప్రీత్ 171 పరుగులతో అజేయంగా నిలిచి ఒంటిచేత్తో భారత్‌ జట్టుని ఫైనల్‌కి చేర్చింది. ఈ ఇన్నింగ్స్‌ అనంతరం ఈ హిట్టర్ పేరు మారుమ్మోగిపోయింది.
Samayam Telugu harmanpreet kaur gets promotion in western railways
క్రికెటర్ హర్మన్‌ప్రీత్ కౌర్‌కి ప్రమోషన్..!


‘ఇటీవల ముగిసిన ప్రపంచకప్‌లో హర్మన్‌ప్రీత్ కౌర్ సంచలన ప్రదర్శనకి గుర్తింపు లభించింది. రైల్వే మంత్రి ఆమెకి గెజిటెడ్ ర్యాంక్ గ్రూప్-బి హోదా పదోన్నతి కల్పిస్తూ నిర్ణయం తీసుకున్నారు. వెస్ట్రన్ రైల్వేస్‌లోని స్పోర్ట్స్ విభాగానికి ఆమె ఓఎస్డీగా బాధ్యతలు నిర్వహించనున్నారు’ ’ అని వెస్ట్రన్ రైల్వేస్ అధికార ప్రతినిధి వెల్లడించారు. హర్మన్‌ప్రీత్ కౌర్ ఎంతో మంది యువ క్రీడాకారులకి మార్గదర్శకంగా మారిందని.. ఆమె మరిన్ని విజయాలు సాధించాలని ఈ సందర్భంగా వెస్ట్రన్ రైల్వేస్ ఆకాంక్షించింది.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.