షమీ వాట్సాప్ చాట్.. ఫేస్‌బుక్‌లో పోస్ట్ చేసిన భార్య

టీమిండియా క్రికెటర్ మహ్మద్ షమీకి అమ్మాయిలతో వివాహేతర సంబంధాలు ఉన్నాయని అతడి భార్య హసీన్ జహాన్ సంచలన ఆరోపణలు చేసిన సంగతి తెలిసిందే. ఇందుకు సంబంధించి వాట్సాప్ స్క్రీన్ షాట్లను బయటపెట్టిన ఆమె.. బుధవారం మరోసారి షమీ వాట్సాప్ చాటింగ్ వివరాలను ఫేస్‌బుక్ ద్వారా షేర్ చేసుకుంది. షమీ ఆకాంక్ష అనే అమ్మాయితో చేసిన లేటెస్ట్ చాటింగ్‌కు సంబంధించిన ఫొటోలను ఆమె షేర్ చేసింది.

హసీన్ ఆరోపణల వల్ల బీసీసీఐ సెంట్రల్ కాంట్రాక్టులో షమీకి చోటు ఇవ్వలేదు. ఐపీఎల్‌లో అతడు ఢిల్లీ తరఫున బరిలో దిగడం కూడా అనుమానంగానే మారింది. షమీకి పాకిస్థాన్‌కు చెందిన మోడల్‌తోనూ సంబంధం ఉందని, వారిద్దరూ దుబాయ్‌లో హోటల్‌లో గడిపారని జహాన్ ఆరోపించింది.

బీసీసీఐ కూడా దక్షిణాఫ్రికా పర్యటన ముగిశాక షమీ రెండ్రోజులు దుబాయ్‌లో ఉండిపోయాడని స్పష్టం చేసింది. ఇప్పటికే షమీపై కోల్‌కతాలో కేసులు పెట్టిన జహాన్ శుక్రవారం బెంగాల్ సీఎం మమతా బెనర్జీని కలవనుంది.