భారత వన్డే, టీ20 జట్టు కొత్త కెప్టెన్గా బాధ్యతలు చేపట్టిన రోహిత్ శర్మ.. అప్పుడే జట్టుకి దిశానిర్దేశం చేయడంలో బిజీ అయిపోయాడు. డిసెంబరు మూడో వారంలో దక్షిణాఫ్రికా పర్యటనకి వెళ్లనున్న టీమిండియా.. అక్కడ 26 నుంచి మూడు టెస్టులు, మూడు వన్డేల సిరీస్ని ఆడనుంది. ఈ మేరకు ఇప్పటికే టెస్టు జట్టుని ప్రకటించిన భారత సెలెక్టర్లు.. వన్డే జట్టుని కూడా త్వరలోనే ఎంపిక చేయనున్నారు. అయితే.. రాబోవు రెండేళ్లలో టీ20 వరల్డ్కప్, వన్డే ప్రపంచకప్ జరగబోతుండటంతో కొత్త సవాళ్లకి సిద్ధంగా ఉండాలని భారత జట్టు మిడిలార్డర్కి రోహిత్ శర్మ సూచించాడు. వన్డే, టీ20ల్లో కోహ్లీ ఇకపై కేవలం బ్యాట్స్మెన్గా మాత్రమే కొనసాగనున్నాడు. ‘‘మెగా టోర్నీల్లో ఒకవేళ భారత్ జట్టు 10 పరుగులకే మూడు వికెట్లు చేజార్చుకుంటే? ఆ పరిస్థితుల నుంచి జట్టుని గట్టించేందుకు మిడిలార్డర్ సిద్ధంగా ఉండాలి. మరీ ముఖ్యంగా.. 3 నుంచి 6 స్థానాల్లో బ్యాటింగ్ చేసేవారు (వన్డే, టీ20ల్లో కోహ్లీ రెగ్యులర్గా నెం.3లో బ్యాటింగ్ చేస్తుంటాడు) రెడీగా ఉండాలి. 10/3 స్థితి నుంచి జట్టు 190 పరుగులు చేయడం సాధ్యంకాదని ఎక్కడా రాసిలేదు కదా? అలానే ఫస్ట్ రెండు ఓవర్లలోనే టీమ్ 10/2తో నిలిచినప్పుడు ఏం చేయాలి? ఎలా చేయాలి? అనేది క్లారిటీ ఉండాలి. ఇలాంటి పరిస్థితులకి టీ20 వరల్డ్కప్ 2022కి ముందే సిద్ధమవ్వాలి. అందుకు కొన్ని మ్యాచ్లు మాత్రమే ఉన్నాయి’’ అని రోహిత్ శర్మ స్పష్టం చేశాడు.
ఇటీవల ముగిసిన టీ20 వరల్డ్కప్ 2021లో భారత్ జట్టు ఇలాంటి స్థితిలోనే మ్యాచ్లను చేజార్చుకుని.. కనీసం సెమీస్కి కూడా అర్హత సాధించలేకపోయింది. రోహిత్ శర్మ చెప్పిన రెండు ఉదాహరణలు.. టీ20 వరల్డ్కప్ 2021లోనివే. మైదానంలో అడుగుపెట్టిన తర్వాత అక్కడ ఎక్కువ మార్పులు చేసుకునేందుకు అవకాశం ఉండదు కాబట్టి.. టీమ్లో సమర్థులైన ఆటగాళ్లకి సరైన పాత్రలు ఇస్తానని రోహిత్ శర్మ స్పష్టం చేశాడు. అలానే కోహ్లీ నాణ్యమైన బ్యాట్స్మెన్ అని కొనియాడిన రోహిత్ శర్మ.. తన అనుభవంతో ఎన్నోసార్లు టీమ్ని గట్టెక్కించాడని గుర్తు చేసుకున్నాడు.
ఇటీవల ముగిసిన టీ20 వరల్డ్కప్ 2021లో భారత్ జట్టు ఇలాంటి స్థితిలోనే మ్యాచ్లను చేజార్చుకుని.. కనీసం సెమీస్కి కూడా అర్హత సాధించలేకపోయింది. రోహిత్ శర్మ చెప్పిన రెండు ఉదాహరణలు.. టీ20 వరల్డ్కప్ 2021లోనివే. మైదానంలో అడుగుపెట్టిన తర్వాత అక్కడ ఎక్కువ మార్పులు చేసుకునేందుకు అవకాశం ఉండదు కాబట్టి.. టీమ్లో సమర్థులైన ఆటగాళ్లకి సరైన పాత్రలు ఇస్తానని రోహిత్ శర్మ స్పష్టం చేశాడు. అలానే కోహ్లీ నాణ్యమైన బ్యాట్స్మెన్ అని కొనియాడిన రోహిత్ శర్మ.. తన అనుభవంతో ఎన్నోసార్లు టీమ్ని గట్టెక్కించాడని గుర్తు చేసుకున్నాడు.