భారత సీనియర్ ఓపెనర్ శిఖర్ ధావన్ కెప్టెన్‌గా గురువారం నుంచి భారత్ వన్డే జట్టుని నడిపించబోతున్నాడు. దక్షిణాఫ్రికాతో రేపటి నుంచి మూడు వన్డేల సిరీస్‌ని టీమిండియా ఆడనుండగా.. ఈ సిరీస్‌కి కెప్టెన్‌గా గబ్బర్ ఎంపికయ్యాడు. రోహిత్ శర్మ కెప్టెన్సీలోని భారత టీ20 జట్టు టీ20 వరల్డ్‌కప్ 2022 కోసం ఈ వారంలోనే ఆస్ట్రేలియాకి వెళ్లబోతోంది. దాంతో యువ ఆటగాళ్లతో నిండిన వన్డే జట్టు సఫారీలతో ఢీకొట్టబోతోంది.
‘‘ఇప్పుడు నా లక్ష్యం 2023 వన్డే ప్రపంచకప్. ఆ టోర్నీ సమయానికి పూర్తిగా మానసికంగానే కాదు శారీరకంగా కూడా ఫిట్‌గా ఉండేందుకు ప్రయత్నిస్తున్నా. ప్రస్తుతానికి నాకు అవకాశం దొరికినప్పుడల్లా యువ ఆటగాళ్లకి నాలెడ్జ్ పంచుతున్నా. ఇప్పుడు ఈ వన్డే సిరీస్‌లో కొత్త బాధ్యతలు అప్పగించారు. ఈ సవాల్‌ని నేను సంతోషంగా స్వీకరిస్తాను’’ అని శిఖర్ ధావన్ చెప్పుకొచ్చాడు. గత కొంతకాలంగా టీ20లు, టెస్టులకి దూరంగా ఉంటున్న గబ్బర్ కేవలం వన్డేల్లో మాత్రమే ఆడుతున్నాడు.
‘‘ఇప్పుడు నా లక్ష్యం 2023 వన్డే ప్రపంచకప్. ఆ టోర్నీ సమయానికి పూర్తిగా మానసికంగానే కాదు శారీరకంగా కూడా ఫిట్‌గా ఉండేందుకు ప్రయత్నిస్తున్నా. ప్రస్తుతానికి నాకు అవకాశం దొరికినప్పుడల్లా యువ ఆటగాళ్లకి నాలెడ్జ్ పంచుతున్నా. ఇప్పుడు ఈ వన్డే సిరీస్‌లో కొత్త బాధ్యతలు అప్పగించారు. ఈ సవాల్‌ని నేను సంతోషంగా స్వీకరిస్తాను’’ అని శిఖర్ ధావన్ చెప్పుకొచ్చాడు. గత కొంతకాలంగా టీ20లు, టెస్టులకి దూరంగా ఉంటున్న గబ్బర్ కేవలం వన్డేల్లో మాత్రమే ఆడుతున్నాడు.