పాక్ జట్టు: ఉమర్ స్థానంలో సొహైల్

ఛాంపియన్స్ ట్రోఫీ కోసం పాకిస్థాన్ సెలక్టర్లు ప్రకటించిన జట్టు నుంచి ఉమర్ అక్మల్ తప్పుకున్నాడు. ఫిటెనెస్ నిరూపించుకోవడంలో ఉమర్ విఫలమయ్యాడని.. అతని స్థానంలో హారీస్ సొహైల్‌‌ని తీసుకుంటున్నట్లు పాక్ ప్రకటించింది. మెగా టోర్నీ కోసం ఇంగ్లాండ్‌లోని బర్మింగ్‌ హోమ్‌లో ఇటీవల నిర్వహించిన ఫిటెనెస్ టెస్టులో ఉమర్ ఫెయిల్ అయ్యాడు.
దీంతో అతడి స్థానాన్ని భర్తీ చేసేందుకు జట్టు సెలక్షన్ కమిటీ ఛైర్మన్ ఇంజిమామ్ ఉల్ హక్ ఫిటెనెస్ పరీక్ష కోసం ఉమర్ అమీన్, హారీస్ సొహైల్‌, అసిఫ్ జకీర్‌ని పిలవగా.. వీరిలో సొహైల్ మెరుగ్గా నిలిచి జట్టులో స్థానం సంపాదించాడు.

పాకిస్థాన్ నేషనల్ క్రికెట్ అకాడమీలో ముగ్గురు క్రికెటర్లకి వివిధ రకాల ఫిటెనెస్ పరీక్షలు నిర్వహించిన అనంతరమే సొహైల్‌ని పాక్ క్రికెట్ బోర్డు సలహా మేరకు ఎంపిక చేశారట. ఇంగ్లాండ్‌లో జూన్ 1 నుంచి ఛాంపియన్స్ ట్రోఫీ ప్రారంభమవనుండగా.. జూన్ 4న భారత్‌తో పాకిస్థాన్ ఢీకొట్టనుంది. ప్రపంచకప్‌లో భారత్‌పై ఒక్కసారి కూడా గెలవని పాకిస్థాన్.. ఛాంపియన్స్ ట్రోఫీలో మాత్రం రెండు సార్లు ఓడించడంతో ఈ సారి పోరు ఆసక్తికరంగా సాగనుంది.