వెస్టిండీస్ గడ్డపై జరుగుతున్న అండర్-19 వరల్డ్కప్ చరమాంకానికి చేరుకుంది. టోర్నీలో జైత్రయాత్ర కొనసాగిస్తూ భారత యువ జట్టు ఫైనల్కి చేరగా.. ఇంగ్లాండ్ ఒక్క మ్యాచ్లో కూడా ఓడిపోకుండా ఫైనల్కి అర్హత సాధించింది. ఈ రెండు జట్ల మధ్య ఆంటిగ్వా వేదికగా ఈరోజు సాయంత్రం 6.30 గంటలకి ఫైనల్ మ్యాచ్ జరగనుంది. ఇది 14వ అండర్-19 వరల్డ్కప్కాగా.. భారత్ జట్టు ఫైనల్లో ఆడబోతుండటం ఇది ఎనిమిదోసారి. ఇప్పటికే నాలుగు సార్లు యువ భారత్ విజేతగా నిలిచింది. అండర్-19 వరల్డ్కప్ 2022లో భారత్ జట్టు ఇప్పటి వరకూ ఒక్క మ్యాచ్లో కూడా ఓడిపోలేదు. తొలి మ్యాచ్లోనే దక్షిణాఫ్రికా జట్టుని 45 పరుగుల తేడాతో చిత్తుచేసిన భారత్ జట్టు.. ఆ తర్వాత ఐర్లాండ్పై 174 పరుగులు, ఉగాండాపై ఏకంగా 326 పరుగుల తేడాతో విజయం సాధించింది. అనంతరం క్వార్టర్ ఫైనల్లో బంగ్లాదేశ్పై 5 వికెట్ల తేడాతో గెలిచిన భారత్.. సెమీ ఫైనల్లో ఆస్ట్రేలియాని 96 పరుగుల తేడాతో ఓడించి ఫైనల్లోకి దూసుకొచ్చింది. కెప్టెన్ యశ్ దూల్ సెమీస్లో ఆస్ట్రేలియాపై సెంచరీ సాధించి సూపర్ ఫామ్లో ఉండగా.. వైస్ కెప్టెన్, తెలుగు క్రికెటర్ షేక్ రషీద్ కూడా శతక సమాన ఇన్నింగ్స్ ఆడి మంచి టచ్లో కనిపిస్తున్నాడు. అలానే బౌలర్ రవి కూడా నిలకడగా రాణిస్తున్నాడు. భారత్ జట్టు 2000, 2008, 2012, 2018లో టోర్నీ విజేతగా నిలిచింది.
ఇంగ్లాండ్ జట్టు కూడా టోర్నీ ఆరంభం నుంచి జైత్రయాత్ర కొనసాగించింది. ఫస్ట్ మ్యాచ్లో బంగ్లాదేశ్పై 7 వికెట్ల తేడాతో గెలిచిన ఇంగ్లాండ్.. ఆ తర్వాత కెనడాపై 106 పరుగులు, యూఏఈపై 189 పరుగులు తేడాతో గెలిచింది. అనంతరం క్వార్టర్ పైనల్లో దక్షిణాఫ్రికా జట్టుపై 6 వికెట్ల తేడాతో గెలిచిన ఇంగ్లాండ్ యువ జట్టు.. సెమీస్లో అఫ్గానిస్థాన్ని 15 పరుగుల తేడాతో డక్వర్త్ లూయిస్ పద్ధతిలో ఓడించింది. మొత్తంగా 1998లో చివరిగా అండర్-19 వరల్డ్కప్ ఫైనల్లో ఆడి.. విజేతగా నిలిచిన ఇంగ్లాండ్ 24 ఏళ్ల సుదీర్ఘ విరామం తర్వాత మళ్లీ టైటిల్ పోరులో తలపడబోతోంది.
ఇంగ్లాండ్ జట్టు కూడా టోర్నీ ఆరంభం నుంచి జైత్రయాత్ర కొనసాగించింది. ఫస్ట్ మ్యాచ్లో బంగ్లాదేశ్పై 7 వికెట్ల తేడాతో గెలిచిన ఇంగ్లాండ్.. ఆ తర్వాత కెనడాపై 106 పరుగులు, యూఏఈపై 189 పరుగులు తేడాతో గెలిచింది. అనంతరం క్వార్టర్ పైనల్లో దక్షిణాఫ్రికా జట్టుపై 6 వికెట్ల తేడాతో గెలిచిన ఇంగ్లాండ్ యువ జట్టు.. సెమీస్లో అఫ్గానిస్థాన్ని 15 పరుగుల తేడాతో డక్వర్త్ లూయిస్ పద్ధతిలో ఓడించింది. మొత్తంగా 1998లో చివరిగా అండర్-19 వరల్డ్కప్ ఫైనల్లో ఆడి.. విజేతగా నిలిచిన ఇంగ్లాండ్ 24 ఏళ్ల సుదీర్ఘ విరామం తర్వాత మళ్లీ టైటిల్ పోరులో తలపడబోతోంది.