IndW vs IreW: భారత్‌ బ్యాటింగ్

ఐసీసీ మహిళల టీ20 ప్రపంచకప్‌లో భాగంగా భారత్‌పై ఈరోజు జరుగుతున్న మ్యాచ్‌లో టాస్ గెలిచిన ఐర్లాండ్ టీమ్ ఫీల్డింగ్ ఎంచుకుంది. న్యూజిలాండ్, పాకిస్థాన్ జట్లని చిత్తుగా ఓడించిన భారత్ జట్టు సూపర్ ఫామ్‌లో ఉండగా.. ఐర్లాండ్ టీమ్ ఆస్ట్రేలియా, పాకిస్థాన్ చేతిలో ఓడి ఒత్తిడిలో బరిలోకి దిగుతోంది. భారత్ జట్టు ఈ మ్యాచ్‌లో గెలిస్తే.. టోర్నీ సెమీస్ బెర్తు దాదాపు ఖాయం కానుంది.

న్యూజిలాండ్‌పై మెరుపు శతకం బాది కెప్టెన్ హర్మన్‌ప్రీత్ కౌర్ సూపర్ ఫామ్‌లో ఉండగా.. పాక్‌పై సమయోచిత హాఫ్ సెంచరీ సాధించిన మిథాలీ రాజ్ కూడా లయ అందుకుంది. వీరికి తోడు జెమిమా రోడ్రిగ్స్ మిడిలార్డర్‌లో నిలకడగా ఆడుతుండటం భారత్ జట్టుకి కలిసొచ్చే అంశం. అయితే.. న్యూజిలాండ్‌పై తేలిపోయిన భారత్ బౌలర్లు.. పాక్‌పై మాత్రం రాణించారు. కానీ.. ఆ నిలకడని ఈరోజు ఐర్లాండ్‌పై కూడా కొనసాగిస్తారా..? అనేది కీలకం.