Sachin Tendulkar అరుదైన రికార్డ్‌కి సెంచరీ దూరంలో కోహ్లీ

భారత కెప్టెన్ విరాట్ కోహ్లీ మరో అరుదైన రికార్డ్‌పై కన్నేశాడు. ఆస్ట్రేలియాతో మంగళవారం నుంచి మూడు వన్డేల సిరీస్ ప్రారంభంకానుండగా.. వాంఖడే వేదికగా ఈరోజు మధ్యాహ్నం 1.30లకి తొలి వన్డే జరగనుంది. ఈ మ్యాచ్‌లో విరాట్ కోహ్లీ సెంచరీ చేయగలిగితే..? భారత్ గడ్డపై వన్డేల్లో సచిన్ టెండూల్కర్ సాధించిన సెంచరీల రికార్డ్‌ని సమం చేయనున్నాడు.

Read Also: ఈరోజే IND vs AUS 1st ODI.. ఆసీస్‌ గెలుపు రికార్డ్స్‌తో భారత్‌లో గుబులు
24 ఏళ్ల సుదీర్ఘ క్రికెట్ కెరీర్‌లో 463 వన్డేలాడిన సచిన్ టెండూల్కర్ 49 వన్డే సెంచరీలు సాధించగా.. ఇందులో 20 శతకాలు భారత్ గడ్డపై చేసినవే. మరోవైపు ఇప్పటి వరకూ 242 వన్డేలాడిన విరాట్ కోహ్లీ 43 వన్డే శతకాలు నమోదు చేయగా.. ఇందులో 19 శతకాలు సొంతగడ్డపై సాధించాడు. దీంతో.. ఆస్ట్రేలియాతో మూడు వన్డేల సిరీస్‌లో కోహ్లీ శతకం బాదగలిగితే..? 20 శతకాలతో సగర్వంగా సచిన్ సరసన కోహ్లీ నిలవనున్నాడు.

Read More: ఆస్ట్రేలియాతో తొలి వన్డేకి భారత్ జట్టు ఇదే..?
భారత వన్డే జట్టు: విరాట్ కోహ్లీ (కెప్టెన్), రోహిత్ శర్మ (వైస్ కెప్టెన్), శిఖర్ ధావన్, శ్రేయాస్ అయ్యర్, మనీశ్ పాండే, కేదార్ జాదవ్, శివమ్ దూబే, రవీంద్ర జడేజా, కేఎల్ రాహుల్, రిషబ్ పంత్ (వికెట్ కీపర్), చాహల్, కుల్దీప్ యాదవ్, నవదీప్ షైనీ, జస్‌ప్రీత్ బుమ్రా, శార్ధూల్ ఠాకూర్, మహ్మద్ షమీ

ఆస్ట్రేలియా వన్డే జట్టు: అరోన్ ఫించ్ (కెప్టెన్), డేవిడ్ వార్నర్, స్టీవ్‌స్మిత్, అలెక్స్ క్యారీ (వికెట్ కీపర్), అస్టన్ అగర్, పాట్ కమిన్స్ (వైస్ కెప్టెన్), పీటర్ హ్యాండ్స్‌కబ్, జోష్ హేజిల్‌వుడ్, మార్కస్ లబుషేన్, కేన్ రిచర్డ్‌సన్, మిచెల్ స్టార్క్, అస్టన్ టర్నర్, ఆడమ్ జంపా, డీఆర్క్‌ షాట్