ఆస్ట్రేలియా గడ్డపై టీమిండియా సీనియర్ ఆల్‌రౌండర్ రవీంద్ర జడేజా మరోసారి మెరుపు ఇన్నింగ్స్‌తో ఆకట్టుకున్నాడు. కాన్‌బెర్రా వేదికగా శుక్రవారం జరుగుతున్న తొలి టీ20 మ్యాచ్‌లో ఓపెనర్ కేఎల్ రాహుల్ (51: 40 బంతుల్లో 5x4, 1x6), రవీంద్ర జడేజా (44 నాటౌట్: 23 బంతుల్లో 5x4, 1x6) సమయోచిత ఇన్నింగ్స్ ఆడటంతో టాస్ ఓడి మొదట బ్యాటింగ్ చేసిన భారత్ జట్టు 7 వికెట్ల నష్టానికి 161 పరుగులు చేసింది. 16.5 ఓవర్లు ముగిసే సమయానికి 114/6తో తక్కువ స్కోరుకే పరిమితమయ్యేలా కనిపించిన టీమిండియా.. ఆఖర్లో జడేజా హిట్టింగ్ కారణంగా 160 పరుగుల మార్క్‌ని అందుకోగలిగింది. ఆస్ట్రేలియా బౌలర్లలో హెన్రిక్యూస్ మూడు వికెట్లు పడగొట్టగా.. మిచెల్ స్టార్క్ రెండు, ఆడమ్ జంపా, మిచెల్ స్వీప్ తలో వికెట్ తీశారు.
Samayam Telugu
మ్యాచ్‌లో టాస్ గెలిచిన ఆస్ట్రేలియా కెప్టెన్ అరోన్ ఫించ్ ఫీల్డింగ్ ఎంచుకున్నాడు. దాంతో.. కేఎల్ రాహుల్‌తో కలిసి భారత్ ఇన్నింగ్స్‌ని ప్రారంభించిన ఓపెనర్ శిఖర్ ధావన్ (1) మూడో ఓవర్‌లోనే పేలవరీతిలో క్లీన్ బౌల్డయ్యాడు. అనంతరం వచ్చిన విరాట్ కోహ్లీ (9), మనీశ్ పాండే (2) సింగిల్ డిజిట్‌కే పరిమితమవగా.. సంజు శాంసన్ (23: 15 బంతుల్లో 1x4, 1x6), హార్దిక్ పాండ్యా (16: 15 బంతుల్లో 1x6) దూకుడుగా ఆడే ప్రయత్నంలో వికెట్ చేజార్చుకున్నారు. దాంతో.. 17 ఓవర్లు ముగిసే సమయానికి భారత్ 115/6తో నిలిచింది.
ఈ దశలో వాషింగ్టన్ సుందర్(7)తో కలిసి స్కోరు బోర్డుని నడిపించే బాధ్యతని తీసుకున్న రవీంద్ర జడేజా.. ఇన్నింగ్స్ 19వ ఓవర్‌లో భారీ షాట్లతో చెలరేగిపోయాడు. హేజిల్‌వుడ్ వేసిన ఆ ఓవర్‌లో మూడు ఫోర్లు, ఒక సిక్స్ బాదిన జడేజా.. చివరి ఓవర్ వేసిన మిచెల్ స్టార్క్ బౌలింగ్‌లోనూ రెండు ఫోర్లు బాదేశాడు. 19వ ఓవర్‌లో తొడ కండరాల గాయం ఇబ్బంది పెట్టడంతో.. ఫిజియో సాయం తీసుకున్న జడేజా.. పట్టుదలతో హిట్టింగ్‌ని కొనసాగించాడు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
