Funny Run Out: ఆఖరి వన్డేలో ఫించ్, స్మిత్ తికమక.. ఒకే ఎండ్‌వైపు ఇద్దరూ

భారత్, ఆస్ట్రేలియా మధ్య బెంగళూరులోని చిన్నస్వామి స్టేడియం వేదికగా ఈరోజు జరుగుతున్న ఆఖరి వన్డేలో ఓ కామెడీ సన్నివేశం చోటుచేసుకుంది. ఇన్నింగ్స్‌ 9వ ఓవర్ వేసిన మహ్మద్ షమీ బౌలింగ్‌లో బంతిని బ్యాక్‌వర్డ్ పాయింట్ దిశగా హిట్ చేసిన స్టీవ్‌స్మిత్.. సింగిల్ కోసం అరోన్ ఫించ్‌ని పిలిచాడు. దీంతో స్పందించిన ఫించ్.. పరుగు కోసం ముందుకురాగా.. బంతి నేరుగా జడేజా చేతుల్లోకి వెళ్తుండటంతో అనూహ్యంగా స్మిత్ వెనక్కి తగ్గాడు. దీంతో.. ఇద్దరి మధ్య సమన్వయం కొరవడింది.

భారత్, ఆస్ట్రేలియా మధ్య బెంగళూరులోని చిన్నస్వామి స్టేడియం వేదికగా ఈరోజు జరుగుతున్న ఆఖరి వన్డేలో ఓ కామెడీ సన్నివేశం చోటుచేసుకుంది. ఇన్నింగ్స్‌ 9వ ఓవర్ వేసిన మహ్మద్ షమీ బౌలింగ్‌లో బంతిని బ్యాక్‌వర్డ్ పాయింట్ దిశగా హిట్ చేసిన స్టీవ్‌స్మిత్.. సింగిల్ కోసం అరోన్ ఫించ్‌ని పిలిచాడు. దీంతో స్పందించిన ఫించ్.. పరుగు కోసం ముందుకురాగా.. బంతి నేరుగా జడేజా చేతుల్లోకి వెళ్తుండటంతో అనూహ్యంగా స్మిత్ వెనక్కి తగ్గాడు. దీంతో.. ఇద్దరి మధ్య సమన్వయం కొరవడింది.

Samayam Telugu

పిచ్ మధ్యలో స్టీవ్ స్మిత్ U Turn

స్టీవ్‌స్మిత్ పరుగుకి పిలవగానే వేగంగా పిచ్ మధ్యలోకి వెళ్లిపోయిన ఫించ్.. ఆ తర్వాత కొద్దిగా ఆగినా మళ్లీ అలానే ముందుకు వెళ్లిపోయాడు. మరోవైపు స్మిత్ పరుగుకి వచ్చి ఆ తర్వాత మళ్లీ వెనక్కి వెళ్లిపోయాడు. దీంతో.. ఇద్దరు బ్యాట్స్‌మెన్‌లు స్ట్రైకర్స్ ఎండ్‌వైపు వెళ్లిపోయారు.

జడేజా త్రో మిస్.. మంచిదే

ఫించ్, స్మిత్ తికమకని గమనించిన జడేజా.. బంతిని నేరుగా స్ట్రైకర్స్ ఎండ్‌వైపు ఉన్న వికెట్లపైకి విసిరాడు. కానీ.. వికెట్లని తాకని బంతి షార్ట్ మిడ్‌వికెట్ దిశగా వెళ్లింది. అయితే.. అక్కడే ఫీల్డింగ్ చేస్తున్న శ్రేయాస్ అయ్యర్ బంతిని అందుకుని.. నాన్‌స్ట్రైక్ ఎండ్‌లోని బౌలర్‌ షమీకి అందించడంతో ఫించ్‌ రనౌటవక తప్పలేదు. ఒకవేళ జడేజా త్రో తగిలింటే..? కీపర్ ఆ బంతిని అందుకుని మళ్లీ బౌలర్‌కి విసిరేసరికి ఫించ్ క్రీజులోకి వెళ్లిపోయేవాడేమో..?

తిట్టుకుంటూ పెవిలియన్‌కి వెళ్లిన ఫించ్

పరుగుకి పిలిచి ఆ వెంటనే వెనక్కి తగ్గిన స్టీవ్‌స్మిత్‌పై మైదానంలోనే అరోన్ ఫించ్ అరిచేశాడు. స్మిత్‌వైపు చూస్తూ తిట్ల దండకాన్ని అందుకున్న ఫించ్.. ఆ తర్వాత అదే కోపంలో పెవిలియన్‌కి వెళ్లాడు. వాస్తవానికి అక్కడ పరుగుకి అవకాశం లేదు. పాయింట్ దిశగా జడేజా లాంటి అగ్రశ్రేణి ఫీల్డర్ ఉంటే..? కాస్త చూసుకుని పరుగు కోసం ప్రయత్నించి ఉండాల్సింది. కానీ.. పరుగు మధ్యలో స్మిత్‌కి ఆ విషయం గుర్తొచ్చినట్లుంది.