Ind Vs Aus 3rd Odi : Australia Win Toss, Opt To Bat
IND vs AUS Final ODI : చెన్నై వన్డేలో టాస్ ఓడిన భారత్.. ఆస్ట్రేలియా టీమ్‌లో రెండు మార్పులు
India vs Australia 3rd ODI కి భారత్ ఎలాంటి మార్పులు లేకుండా బరిలోకి దిగుతోంది. కానీ ఆస్ట్రేలియా మాత్రం రెండు మార్పులు చేసింది. తాజా వన్డే సిరీస్‌లో తొలిసారి డేవిడ్ వార్నర్ మ్యాచ్ ఆడబోతున్నాడు. అలానే ఇప్పుడు అందరి చూపు సూర్యకుమార్ యాదవ్‌పై ఉంది.
Authored byరాజేంద్ర గాలేటి | Samayam Telugu22 Mar 2023, 1:27 pm
India vs Australia 3rd ODI : ఆస్ట్రేలియాతో చెన్నైలోని చెపాక్ స్టేడియం వేదికగా బుధవారం జరుగుతున్న మూడో వన్డేలో భారత జట్టు కెప్టెన్ రోహిత్ శర్మ టాస్ ఓడిపోయాడు. టాస్ గెలిచిన ఆస్ట్రేలియా కెప్టెన్ స్టీవ్‌స్మిత్ బ్యాటింగ్ ఎంచుకున్నాడు. మూడు వన్డేల ఈ సిరీస్‌లో ఇప్పటికే చెరొక మ్యాచ్‌లో భారత్, ఆస్ట్రేలియా గెలిచాయి. దాంతో సిరీస్ 1-1తో సమమవగా.. ఈరోజు మ్యాచ్‌లో గెలిచిన జట్టుకి సిరీస్ సొంతంకానుంది. ఇటీవల ముగిసిన నాలుగు టెస్టుల సిరీస్‌ని టీమిండియా 2-1తో గెలుపొందిన విషయం తెలిసిందే.
Samayam Teluguస్టీవ్‌స్మిత్, రోహిత్ శర్మ
విశాఖపట్నం వేదికగా గత ఆదివారం జరిగిన రెండో వన్డేలో భారత్ జట్టు 10 వికెట్ల తేడాతో చిత్తుగా ఓడిపోయినప్పటికీ ఈరోజు తుది జట్టులో కెప్టెన్ రోహిత్ శర్మ ఎలాంటి మార్పులు చేయలేదు. రెండు వన్డేల్లో గోల్డెన్ డక్‌గా వెనుదిరిగిన సూర్యకుమార్ యాదవ్‌కి మరో అవకాశం ఇచ్చాడు. కానీ.. ఆస్ట్రేలియా జట్టులో మాత్రం రెండు మార్పులు జరిగాయి. అనారోగ్యం కారణంగా కామెరూన్ గ్రీన్ మ్యాచ్‌లో ఆడలేకపోవడంతో అతని స్థానంలో ఓపెనర్ డేవిడ్ వార్నర్ రీఎంట్రీ ఇచ్చాడు. అలానే పిచ్ స్పిన్‌కి అనుకూలించే సూచనలు కనిపించడంతో ఫాస్ట్ బౌలర్ నాథన్ ఎలిస్ స్థానంలో స్పిన్నర్ అస్టన్ అగర్‌ని టీమ్‌లోకి ఆస్ట్రేలియా తీసుకుంది.
భారత్ తుది జట్టు: రోహిత్ శర్మ (కెప్టెన్), శుభమన్ గిల్, విరాట్ కోహ్లీ, కేఎల్ రాహుల్ (వికెట్ కీపర్), సూర్యకుమార్ యాదవ్, హార్దిక్ పాండ్య, అక్షర్ పటేల్, రవీంద్ర జడేజా, కుల్దీప్ యాదవ్, మహ్మద్ షమీ, మహ్మద్ సిరాజ్
ఆస్ట్రేలియా తుది జట్టు: డేవిడ్ వార్నర్, ట్రావిస్ హెడ్, మిచెల్ మార్ష్, స్టీవ్‌స్మిత్ (కెప్టెన్), అలెక్స్ క్యారీ (వికెట్ కీపర్), మార్కస్ లబుషేన్, మార్కస్ స్టాయినిస్, అస్టన్ అగర్, సీన్ అబాట్, మిచెల్ స్టార్క్, ఆడమ్ జంపా.
గాలేటి రాజేంద్ర సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పనిచేస్తున్నారు. ఇక్కడ స్పోర్ట్స్, సినిమాకి సంబంధించిన వార్తలు, విశ్లేషణలు రాస్తుంటారు. క్రికెట్ అంటే అమితమైన ఇష్టం. మ్యాచ్‌లకి సంబంధించి ఆసక్తికరమైన కథనాల్ని అందిస్తుంటారు. ఈయనకి జర్నలిజంలో 10 ఏళ్లకి పైగా అనుభవం ఉంది. గతంలో ఈనాడు.నెట్‌లో పనిచేశారు. అంతకముందు జర్నలిజంలో పీజీ చేయడంతో పాటు ఈనాడు జర్నలిజం స్కూల్‌లో శిక్షణ పొందారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
