బీసీసీఐ ఆగ్రహంతో ఐపీఎల్ కామెంట్రీకి దూరమైన సంజయ్ మంజ్రేకర్.. భారత్, ఆస్ట్రేలియా వన్డే సిరీస్తో తిరిగి కామెంట్రీ బాక్స్లోకి అడుగుపెట్టాడు. వస్తూ వస్తూనే మళ్లీ జడేజాను కెలకడంతోపాటు.. తన నోటి దురుసుతనాన్ని మరోసారి బయటపెట్టుకున్నాడు. దీంతో క్రికెట్ ఫ్యాన్స్ అతడిపై ఆగ్రహం వ్యక్తం చేస్తున్నారు. తొలి వన్డేకు ముందు తన ప్లేయింగ్ ఎలెవన్ను ప్రకటించిన మంజ్రేకర్.. అందులో హార్దిక్ పాండ్య బదులు మనీష్ పాండే, జడేజా బదులు కుల్దీప్ యాదవ్కు చోటు కల్పించాడు.
కోహ్లి కుల్దీప్ బదులు జడేజాను ఎంపిక చేసుకుంటాడని రాసుకొచ్చాడు. జడేజా మంచి ఫీల్డర్, అన్ని విభాగాల్లోనూ పనికొస్తాడు, ఆస్ట్రేలియా పరిస్థితుల్లో అతణ్ని పక్కనబెట్టలేం అని ఓ నెటిజన్ కామెంట్ చేయగా.. మంచి ఫీల్డర్ అయితే ఫస్ట్ ఛాయిస్ సబ్స్టిట్యూట్ ఫీల్డర్గా వాడుకోవాలని మంజ్రేకర్ ఉచిత సలహా ఇచ్చాడు.
దీంతో క్రికెట్ ఫ్యాన్స్ మంజ్రేకర్ తీరుపై తీవ్ర ఆగ్రహం వ్యక్తం చేస్తున్నారు. ‘నిర్మాణాత్మకంగా విమర్శించడం ఓకే గానీ.. ఇలా ఆటగాళ్ల పట్ల స్టేట్మెంట్లు ఇస్తే వాళ్లకు కోపం వస్తుంది. జడేజా టెస్టుల్లో మ్యాచ్ విన్నర్. గత రెండేళ్లుగా అతడి బ్యాటింగ్ ఎంతో మెరుగైంది. ఆ విషయాన్ని గౌరవించాలి. మన సొంత ఆటగాళ్ల మానసిక స్థైర్యం దెబ్బతీసేలా మాట్లాడితే నీకేం వస్తుంది..?’ అని ఓ నెటిజన్ ఘాటుగా కామెంట్ చేశాడు.
ఇక కామెంటేటర్గానూ మంజ్రేకర్ చేసిన వ్యాఖ్యలు ఫ్యాన్స్కు ఆగ్రహం తెప్పించాయి. ఇవాళ మనం రెట్రో ఫీల్డింగ్ చూస్తున్నాం అంటూ.. మన ఫీల్డింగ్ 1992 స్థాయిలో ఉందనేలా మంజ్రేకర్ వ్యాఖ్యానించాడు. ప్రస్తుతం భారత జట్టు కంటే 1992 వరల్డ్ కప్ ఆడిన జట్టే ఎంతో నయమంటూ సంజయ్ సెటైర్లు వేశాడు. శ్రేయస్ అయ్యర్ ఆవలింతపైనా మంజ్రేకర్ సెటైర్లు వేశాడు. మంజ్రేకర్ తీరుతో విసిగిపోయిన క్రికెట్ ఫ్యాన్స్ అతడ్ని కామెంట్రీ నుంచి తప్పించాలని డిమాండ్ చేస్తున్నారు.
కోహ్లి కుల్దీప్ బదులు జడేజాను ఎంపిక చేసుకుంటాడని రాసుకొచ్చాడు. జడేజా మంచి ఫీల్డర్, అన్ని విభాగాల్లోనూ పనికొస్తాడు, ఆస్ట్రేలియా పరిస్థితుల్లో అతణ్ని పక్కనబెట్టలేం అని ఓ నెటిజన్ కామెంట్ చేయగా.. మంచి ఫీల్డర్ అయితే ఫస్ట్ ఛాయిస్ సబ్స్టిట్యూట్ ఫీల్డర్గా వాడుకోవాలని మంజ్రేకర్ ఉచిత సలహా ఇచ్చాడు.