Ind Vs Ban 1st T20: Bangladesh Cricketers Prepare For New Delhi T20i Wearing Masks
భారత్‌తో తొలి టీ20కి మాస్క్‌లతో బంగ్లా క్రికెటర్లు
ఢిల్లీలో కాలుష్యం కారణంగా 2017 శ్రీలంక క్రికెటర్లు టెస్టు మ్యాచ్ ఆడుతూ వాంతులు చేసుకున్నారు. తాజాగా మరోసారి ఢిల్లీలో కాలుష్యం పెరిగిపోయింది. దీంతో.. ముందు జాగ్రత్త చర్యల్లో భాగంగా మాస్క్‌లు ధరించి ఆడాలని బంగ్లాదేశ్ టీమ్ నిర్ణయించుకుంది.
Samayam Telugu3 Nov 2019, 6:06 pm
భారత్‌తో ఢిల్లీలోని అరుణ్ జైట్లీ స్టేడియం వేదికగా ఈరోజు రాత్రి 7 గంటలకి ప్రారంభంకానున్న తొలి టీ20కి బంగ్లాదేశ్ క్రికెటర్లు మాస్క్‌లు ధరించి మైదానంలోకి రానున్నారు. దీపావళి తర్వాత ఢిల్లీలో కాలుష్యం పతాక స్థాయికి చేరడంతో ఆటగాళ్లు అనారోగ్యంపాలయ్యే ప్రమాదం ఉందని నిపుణులు హెచ్చరిస్తున్నారు. దీంతో.. గత రెండు రోజులుగా మాస్క్‌లు ధరించి ప్రాక్టీస్ చేసిన బంగ్లాదేశ్ క్రికెటర్లు.. ఈరోజు మ్యాచ్‌లో కూడా మాస్క్‌లు ధరించి ఆడాలని నిర్ణయించుకున్నట్లు తెలుస్తోంది.
Samayam TeluguBangladeshi cricketer Soumya Sarkar
Read More: సమైరా తాకగానే పడిపోయిన శిఖర్ ధావన్ 2017లో ఇలానే ఢిల్లీలో కాలుష్యం కారణంగా.. శ్రీలంక క్రికెటర్లు టెస్టు మ్యాచ్ ఆడుతూ మైదానంలోనే వాంతులు చేసుకున్నారు. దీంతో.. అప్పట్లో లంక ఆటగాళ్లు మాస్క్‌లు ధరించి ఆ మ్యాచ్‌లో ఫీల్డింగ్ చేయాల్సి వచ్చింది. తాజాగా అదే తరహాలో బంగ్లాదేశ్ క్రికెటర్లు కూడా ఈరోజు మాస్క్‌లు ధరించనున్నట్లు తెలుస్తోంది. మరోవైపు భారత క్రికెటర్లు మాత్రం.. సాధారణంగానే మ్యాచ్ ఆడే అవకాశాలున్నట్లు సమాచారం. కాలుష్యంతో తమకేమీ ఇబ్బందిలేదని బీసీసీఐ అధ్యక్షుడు సౌరవ్ గంగూలీకి రెండు రోజుల క్రితమే భారత టీ20 జట్టు తాత్కాలిక కెప్టెన్ రోహిత్ శర్మ స్పష్టం చేసిన విషయం తెలిసిందే.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
