రోహిత్ శర్మ చెత్త రికార్డ్.. లిస్ట్‌లో ధోనీ కూడా

బంగ్లాదేశ్‌తో ఆదివారం ముగిసిన మూడు టీ20ల సిరీస్‌లో అరుదైన రికార్డ్‌లను బ్రేక్ చేసిన భారత ఓపెనర్ రోహిత్ శర్మ.. ఓ చెత్త రికార్డ్‌ని కూడా నమోదు చేశాడు. నాగ్‌పూర్ వేదికగా జరిగిన ఆఖరి టీ20 మ్యాచ్‌లో ఇన్నింగ్స్‌ రెండో ఓవర్ వేసిన ఫాస్ట్ బౌలర్ సైపుల్ ఇస్లామ్ బౌలింగ్‌లో బంతిని ప్లిక్ చేయబోయిన రోహిత్ శర్మ బౌల్డయ్యాడు. ఆఫ్ స్టంప్‌కి వెలుపలగా పడిన బంతి రోహిత్ శర్మ బ్యాట్ ఎడ్జ్‌ని తాకి అనంతరం లెగ్ స్టంప్‌ని ఎగరగొట్టింది. ఈ మ్యాచ్‌లో భారత్ జట్టు 30 పరుగుల తేడాతో గెలిచిన విషయం తెలిసిందే.

Final T20‌లో ఖలీల్, మహ్మదుల్లా గొడవ.. చూస్తుండిపోయిన రోహిత్ శర్మ
బంగ్లాదేశ్‌పై ఆఖరి టీ20లో బౌల్డవడం ద్వారా భారత్‌ తరఫున టీ20ల్లో ఎక్కువసార్లు బౌల్డయిన బ్యాట్స్‌మెన్‌గా రోహిత్ శర్మ చెత్త రికార్డ్‌ నెలకొల్పాడు. ఇప్పటి వరకూ 101 అంతర్జాతీయ టీ20లు ఆడిన రోహిత్ శర్మ.. ఏకంగా 14 సార్లు బౌల్డయ్యాడు. ఈ రికార్డ్‌లో రోహిత్ తర్వాత స్థానంలో మహేంద్రసింగ్ ధోని (13 బౌల్డ్), శిఖర్ ధావన్ (11), సురేశ్ రైనా (11), విరాట్ కోహ్లి (6) టాప్-5లో కొనసాగుతున్నారు. అంతర్జాతీయ టీ20ల్లో అత్యధిక పరుగులు చేసిన బ్యాట్స్‌మెన్‌గా ప్రస్తుతం రోహిత్ శర్మ 2,539 రన్స్‌తో కొనసాగుతున్న విషయం తెలిసిందే.

Read More: undefined
రోహిత్ శర్మ పవర్ ప్లే సమయంలో ఎక్కువగా పాదాల్ని కదల్చకుండా షాట్ ఆడేందుకు ప్రయత్నిస్తుంటాడు. ఈ క్రమంలో ఎల్బీడబ్లూ లేదా బౌల్డవడం ఎక్కువగా కనిపిస్తుంటుంది. మూడో టీ20లోనూ రోహిత్ తన పాదాల్ని ఏమాత్రం కదల్చకుండా షాట్‌కి వెళ్లి మూల్యం చెల్లించుకున్నాడు.

Read More: దీపక్ చాహర్ టీ20 హ్యాట్రిక్.. తప్పులో కాలేసిన బీసీసీఐ