టీమిండియా కెప్టెన్ విరాట్ కోహ్లీ టెస్టుల్లో చెత్త రికార్డ్ నమోదు చేశాడు. నాటింగ్హామ్ వేదికగా ఇంగ్లాండ్తో జరుగుతున్న తొలి టెస్టులో గోల్డెన్ డక్గా వెనుదిరిగిన విరాట్ కోహ్లీ.. టెస్టు క్రికెట్లో అత్యధిక సార్లు డకౌటైన భారత కెప్టెన్గా రికార్డుల్లో నిలిచాడు. నాటింగ్హామ్ టెస్టులో ఆఫ్ స్టంప్కి వెలుపలగా ఫాస్ట్ బౌలర్ జేమ్స్ అండర్సన్ విసిరిన బంతిని ముందుకు ఫుష్ చేసేందుకు విరాట్ కోహ్లీ ప్రయత్నించాడు. కానీ.. బ్యాట్ ఎడ్జ్ తాకిన బంతి నేరుగా వికెట్ కీపర్ జోస్ బట్లర్ చేతుల్లోకి వెళ్లింది. దాంతో.. జేమ్స్ అండర్సన్ సంబరాల్లో మునిగిపోగా.. మ్యాచ్లో తాను ఎదుర్కొన్న మొదటి బంతికే ఔటవడంతో విరాట్ కోహ్లీ అలానే షాక్లో కొన్ని క్షణాలు క్రీజులో ఉండి ఆ తర్వాత నిరాశగా పెవిలియన్ వైపు నడిచాడు. టెస్టు కెరీర్లో విరాట్ కోహ్లీ ఇలా గోల్డెన్ డక్గా వెనుదిరిగడం ఇది ఐదోసారి. 2011-12లో ఆస్ట్రేలియాతో మెల్బోర్న్ వేదికగా జరిగిన టెస్టు మ్యాచ్లో గోల్డెన్ డక్గా వెనుదిరిగిన కోహ్లీ.. ఆ తర్వాత 2014లో ఇంగ్లాండ్పై, 2018లో మళ్లీ ఇంగ్లాండ్పై, 2019లో వెస్టిండీస్పై, 2021లో (గురువారం) మళ్లీ ఇంగ్లాండ్పై ఆడుతూ మొదటి బంతికే ఔటయ్యాడు. మొత్తంగా టెస్టు కెరీర్లో కెప్టెన్గా విరాట్ కోహ్లీ డకౌటవడం ఇది తొమ్మిదోసారి. ఈ క్రమంలో మాజీ కెప్టెన్ మహేంద్రసింగ్ ధోనీ 8 డకౌట్ల రికార్డ్ని కోహ్లీ బ్రేక్ చేశాడు. ఈ ఇద్దరి తర్వాత ఈ రికార్డ్లో పటౌడీ 7 డకౌట్లతో ఉన్నాడు.
ఇంగ్లాండ్ పేసర్ జేమ్స్ అండర్సన్ బౌలింగ్లో 2014 తర్వాత టెస్టుల్లో విరాట్ కోహ్లీ ఔటవడం ఇదే తొలిసారి. 2014లో ఇంగ్లాండ్ పర్యటనకి వెళ్లిన కోహ్లీని ఏకంగా నాలుగు ఇన్నింగ్స్ల్లో జేమ్స్ అండర్సన్ ఔట్ చేశాడు. దాంతో.. అప్పట్లో ఐదు టెస్టుల్లో కలిపి కోహ్లీ చేసిన పరుగులు 134 మాత్రమే. ఆఫ్ స్టంప్కి వెలుపలగా పడిన బంతుల్ని వెంటాడుతూ అప్పట్లో వికెట్ చేజార్చుకున్న కోహ్లీ.. ఆ తర్వాత బలహీనతని దిద్దుకున్నాడు. కానీ.. సుదీర్ఘ విరామం తర్వాత మళ్లీ జేమ్స్ అండర్సన్కి వికెట్ సమర్పించుకున్నాడు.
ఇంగ్లాండ్ పేసర్ జేమ్స్ అండర్సన్ బౌలింగ్లో 2014 తర్వాత టెస్టుల్లో విరాట్ కోహ్లీ ఔటవడం ఇదే తొలిసారి. 2014లో ఇంగ్లాండ్ పర్యటనకి వెళ్లిన కోహ్లీని ఏకంగా నాలుగు ఇన్నింగ్స్ల్లో జేమ్స్ అండర్సన్ ఔట్ చేశాడు. దాంతో.. అప్పట్లో ఐదు టెస్టుల్లో కలిపి కోహ్లీ చేసిన పరుగులు 134 మాత్రమే. ఆఫ్ స్టంప్కి వెలుపలగా పడిన బంతుల్ని వెంటాడుతూ అప్పట్లో వికెట్ చేజార్చుకున్న కోహ్లీ.. ఆ తర్వాత బలహీనతని దిద్దుకున్నాడు. కానీ.. సుదీర్ఘ విరామం తర్వాత మళ్లీ జేమ్స్ అండర్సన్కి వికెట్ సమర్పించుకున్నాడు.