టీమిండియా చేతిలో తొలి వన్డేలో ఓడిన పర్యాటక ఇంగ్లాండ్ టీమ్కి.. రెండో వన్డే ముంగిట గట్టి ఎదురుదెబ్బ తగిలే సూచనలు కనిపిస్తున్నాయి. పుణె వేదికగా మంగళవారం రాత్రి ముగిసిన తొలి వన్డేలో ఫీల్డింగ్ చేస్తూ ఇంగ్లాండ్ కెప్టెన్ ఇయాన్ మోర్గాన్, బ్యాట్స్మెన్ శామ్ బిల్లింగ్స్ గాయపడ్డారు. గాయంతోనే బ్యాటింగ్ చేసిన ఈ ఇద్దరూ.. రెండో వన్డేలో ఆడటంపై సందిగ్ధత నెలకొంది. దాంతో.. బెన్స్టోక్స్ రెండో వన్డేకి కెప్టెన్గా వ్యవహరించే అవకాశం ఉంది. తొలి వన్డేలో బౌండరీ లైన్ వద్ద బంతిని నిలువరించేందుకు ప్రయత్నించిన శామ్ బిల్లింగ్స్ డైవ్ చేశాడు. కానీ.. ఆ సమయంలో శరీరంపై నియంత్రణ కోల్పోయిన అతను.. బరువుని మొత్తం ఎడమ భుజంపై మోపేశాడు. దాంతో.. భుజానికి గాయమవగా.. నొప్పితో విలవిలలాడుతూనే అతను మైదానం వీడాడు. కెప్టెన్ ఇయాన్ మోర్గాన్ కూడా బంతిని నిలువరించేందుకు ప్రయత్నించగా.. అతని కుడిచేతి చూపుడు వేలికి గాయమైంది. దాంతో వైద్యులు నాలుగు కుట్లు వేసినట్లు తెలుస్తోంది.
పుణె వేదికగానే శుక్రవారం మధ్యాహ్నం 1.30 గంటలకి రెండో వన్డే ప్రారంభంకానుండగా.. ఈ మ్యాచ్లో ఇయాన్ మోర్గాన్, శామ్ బిల్లింగ్స్ ఆడటంపై ఇప్పటి వరకూ ఇంగ్లాండ్ టీమ్ క్లారిటీ ఇవ్వలేదు. గురువారం మధ్యాహ్నం వైద్యులు మరోసారి పరీక్షించిన తర్వాత ఇంగ్లాండ్ టీమ్ ప్రకటనని విడుదల చేసే అవకాశం ఉంది.
పుణె వేదికగానే శుక్రవారం మధ్యాహ్నం 1.30 గంటలకి రెండో వన్డే ప్రారంభంకానుండగా.. ఈ మ్యాచ్లో ఇయాన్ మోర్గాన్, శామ్ బిల్లింగ్స్ ఆడటంపై ఇప్పటి వరకూ ఇంగ్లాండ్ టీమ్ క్లారిటీ ఇవ్వలేదు. గురువారం మధ్యాహ్నం వైద్యులు మరోసారి పరీక్షించిన తర్వాత ఇంగ్లాండ్ టీమ్ ప్రకటనని విడుదల చేసే అవకాశం ఉంది.