IND vs SL Live: భారత్‌తో దుబాయ్ వేదికగా మంగళవారం జరుగుతున్న ఆసియా కప్ 2022 సూపర్-4 మ్యాచ్‌లో టాస్ గెలిచిన శ్రీలంక కెప్టెన్ దసున్ షనక ఫీల్డింగ్ ఎంచుకున్నాడు. భారత్ తుది జట్టులో ఒక మార్పు చేసినట్లు కెప్టెన్ రోహిత్ శర్మ వెల్లడించాడు. స్పిన్నర్ రవి బిష్ణోయ్ స్థానంలో ఆఫ్ స్పిన్నర్ అశ్విన్ జట్టులోకి వచ్చాడు. ఆసియా కప్ 2022లో అశ్విన్‌కి ఇదే ఫస్ట్ మ్యాచ్. శ్రీలంక తుది జట్టులో మాత్రం ఎలాంటి మార్పులు జరగలేదు.
సూపర్-4లో భాగంగా గత శనివారం అఫ్గానిస్థాన్‌తో తలపడిన శ్రీలంక 4 వికెట్ల తేడాతో విజయాన్ని అందుకుంది. కానీ.. భారత్ జట్టు మాత్రం గత ఆదివారం పాకిస్థాన్ చేతిలో 5 వికెట్ల తేడాతో ఓడిపోయింది. ఈరోజు మ్యాచ్‌లో టీమిండియా ఒకవేళ ఓడిపోతే? ఫైనల్ చేరే అవకాశాలు సంక్లిష్టంగా మారతాయి.
ఆసియా కప్‌లో ఇప్పటి వరకూ భారత్, శ్రీలంక జట్లు 25 మ్యాచ్‌ల్లో తలపడ్డాయి. ఇందులో 17 మ్యాచ్‌ల్లో భారత్ జట్టు విజయం సాధించగా... 7 మ్యాచ్‌ల్లో శ్రీలంక గెలిచింది. ఇక మిగిలిన ఒక మ్యాచ్‌లో మాత్రం ఫలితం తేలలేదు. చివరిగా ఆడిన ఐదు మ్యాచ్‌లకిగానూ భారత్ మూడింట్లో గెలవడం కలిసొచ్చే అంశం.
సూపర్-4లో భాగంగా గత శనివారం అఫ్గానిస్థాన్‌తో తలపడిన శ్రీలంక 4 వికెట్ల తేడాతో విజయాన్ని అందుకుంది. కానీ.. భారత్ జట్టు మాత్రం గత ఆదివారం పాకిస్థాన్ చేతిలో 5 వికెట్ల తేడాతో ఓడిపోయింది. ఈరోజు మ్యాచ్‌లో టీమిండియా ఒకవేళ ఓడిపోతే? ఫైనల్ చేరే అవకాశాలు సంక్లిష్టంగా మారతాయి.
ఆసియా కప్‌లో ఇప్పటి వరకూ భారత్, శ్రీలంక జట్లు 25 మ్యాచ్‌ల్లో తలపడ్డాయి. ఇందులో 17 మ్యాచ్‌ల్లో భారత్ జట్టు విజయం సాధించగా... 7 మ్యాచ్‌ల్లో శ్రీలంక గెలిచింది. ఇక మిగిలిన ఒక మ్యాచ్‌లో మాత్రం ఫలితం తేలలేదు. చివరిగా ఆడిన ఐదు మ్యాచ్‌లకిగానూ భారత్ మూడింట్లో గెలవడం కలిసొచ్చే అంశం.