ఐసీసీ వరల్డ్ టెస్టు ఛాంపియన్‌షిప్ ఫైనల్ కోసం భారత జట్టుని బీసీసీఐ మంగళవారం ప్రకటించింది. న్యూజిలాండ్ టీమ్‌తో ఇంగ్లాండ్‌లోని సౌథాంప్టన్ వేదికగా ఈ నెల 18 నుంచి 22 వరకూ ఈ ఫైనల్ మ్యాచ్ జరగనుండగా.. మొత్తం 15 మందితో కూడిన జట్టుని బీసీసీఐ ప్రకటించింది. తెలుగు క్రికెటర్ హనుమ విహారి అదనపు బ్యాట్స్‌మెన్‌గా టీమ్‌లోకి ఎంపికవగా.. స్పిన్నర్లు అశ్విన్, జడేజా మధ్య పోటీ నెలకొంది. అయితే.. ఓపెనర్లుగా రోహిత్ శర్మ, శుభమన్ గిల్ ఆడటంపై మాత్రం క్లారిటీ వచ్చేసింది.
ఫైనల్లో వికెట్ కీపర్‌గా రిషబ్ పంత్ ఆడటం లాంఛనంగానే కనిపిస్తుండగా.. జడేజాకి బదులుగా అశ్విన్‌ని ఆడించాలని చాలా మంది మాజీ క్రికెటర్లు సూచిస్తున్నారు. ఇక ముగ్గురు పేసర్లతో టీమిండియా బరిలోకి దిగే అవకాశాలుండగా.. ఇషాంత్ శర్మ, ఉమేశ్ యాదవ్, మహ్మద్ సిరాజ్‌లో ఇద్దరు రిజర్వ్ బెంచ్‌కి పరిమితంకానున్నారు. బుమ్రా, షమీ తుది జట్టులో ఆడటం లాంఛనమే. ఒకవేళ ఆరో స్పెషలిస్ట్ బ్యాట్స్‌మెన్ అవసరం లేదు అనుకుంటే మాత్రం.. హనుమ విహారి స్థానంలో జడేజా ఆడే అవకాశం ఉంది. ఈ ఏడాది ఆరంభంలో ఆస్ట్రేలియా టూర్‌లో రాణించిన శార్ధూల్ ఠాకూర్, వాషింగ్టన్ సుందర్‌‌తో పాటు ఇంగ్లాండ్‌తో టెస్టు సిరీస్‌లో సత్తాచాటిన అక్షర్ పటేల్‌కి ఈ జట్టులో చోటు దక్కలేదు.
ఫైనల్లో వికెట్ కీపర్‌గా రిషబ్ పంత్ ఆడటం లాంఛనంగానే కనిపిస్తుండగా.. జడేజాకి బదులుగా అశ్విన్‌ని ఆడించాలని చాలా మంది మాజీ క్రికెటర్లు సూచిస్తున్నారు. ఇక ముగ్గురు పేసర్లతో టీమిండియా బరిలోకి దిగే అవకాశాలుండగా.. ఇషాంత్ శర్మ, ఉమేశ్ యాదవ్, మహ్మద్ సిరాజ్‌లో ఇద్దరు రిజర్వ్ బెంచ్‌కి పరిమితంకానున్నారు. బుమ్రా, షమీ తుది జట్టులో ఆడటం లాంఛనమే. ఒకవేళ ఆరో స్పెషలిస్ట్ బ్యాట్స్‌మెన్ అవసరం లేదు అనుకుంటే మాత్రం.. హనుమ విహారి స్థానంలో జడేజా ఆడే అవకాశం ఉంది. ఈ ఏడాది ఆరంభంలో ఆస్ట్రేలియా టూర్‌లో రాణించిన శార్ధూల్ ఠాకూర్, వాషింగ్టన్ సుందర్‌‌తో పాటు ఇంగ్లాండ్‌తో టెస్టు సిరీస్‌లో సత్తాచాటిన అక్షర్ పటేల్‌కి ఈ జట్టులో చోటు దక్కలేదు.