యాప్నగరం

IND vs ZIM ఫస్ట్ వన్డేలో భారత్‌ని గెలిపించిన ఓపెనర్లు.. తేలిపోయిన పసికూన

India vs Zimbabwe 1st ODI లో జింబాబ్వే పూర్తిగా తేలిపోయింది. ఇటీవల బంగ్లాదేశ్‌పై సంచలన విజయాలు నమోదు చేసిన జింబాబ్వే భారత్‌కి తొలి వన్డేలో కనీసం పోటీని కూడా ఇవ్వలేకపోయింది.

Authored byరాజేంద్ర గాలేటి | Samayam Telugu 18 Aug 2022, 6:50 pm

ప్రధానాంశాలు:

  • తొలి వన్డేలో జింబాబ్వేపై భారత్ గెలుపు
  • ఫస్ట్ బ్యాటింగ్ చేసిన జింబాబ్వే 189కే ఆలౌట్
  • వికెట్ కోల్పోకుండా లక్ష్యాన్ని ఛేదించేసిన భారత్
  • ఇక రెండో వన్డే శనివారం మధ్యాహ్నం
హైలైట్స్ చదవాలంటే యాప్‌ను డౌన్‌లోడ్ చేసుకోండి
Samayam Telugu IND vs ZIM 1st ODI (Pic Credit: BCCI/Twitter)
శుభమన్ గిల్, శిఖర్ ధావన్ (Pic Credit: BCCI/Twitter)
Ind vs Zim 1st ODI Highlights: జింబాబ్వే గడ్డపై భారత్ బోణి అదిరిపోయింది. హరారే వేదికగా గురువారం జరిగిన తొలి వన్డేలో జింబాబ్వేపై పూర్తి స్థాయిలో ఆధిపత్యం చెలాయించిన టీమిండియా 10 వికెట్ల తేడాతో ఘన విజయాన్ని అందుకుంది. మ్యాచ్‌లో టాస్ ఓడి మొదట బ్యాటింగ్ చేసిన జింబాబ్వే 40.3 ఓవర్లలో 189 పరుగులకే ఆలౌటైంది. అనంతరం లక్ష్యాన్ని భారత్ జట్టు.. ఓపెనర్లు శుభమన్ గిల్ (82 నాటౌట్: 72 బంతుల్లో 10x4, 1x6), శిఖర్ ధావన్ (81 నాటౌట్: 113 బంతుల్లో 9x4) చెలరేగడంతో 30.5 ఓవర్లలోనే 192/0తో ఛేదించేసింది. దాంతో మూడు వన్డేల సిరీస్‌లో 1-0తో భారత్ ఆధిక్యాన్ని అందుకోగా.. రెండో వన్డే హరారేలోనే శనివారం మధ్యాహ్నం 12:45 గంటలకి జరగనుంది.
అంతకముందు జింబాబ్వే జట్టులో కెప్టెన్ చకబ్వా (35: 51 బంతుల్లో 4x4), బ్రాడ్ ఎవాన్స్ (33 నాటౌట్: 29 బంతుల్లో 3x4, 1x6), రిచర్డ్ గరవా (34: 42 బంతుల్లో 3x4, 1x6) చెప్పుకోదగ్గ స్కోరు చేశారు. భారత బౌలర్లు అక్షర్ పటేల్ (3/24), దీపక్ చాహర్ (3/27), ప్రసీద్ కృష్ణ (3/50) వరుస విరామాల్లో వికెట్లు తీయడంతో ఏ దశలోనూ జింబాబ్వే కోలుకోలేకపోయింది. కానీ.. ఆఖర్లో ఎవాన్స్- గరవ జోడి అతి కష్టంగా హాఫ్ సెంచరీ భాగస్వామ్యం నెలకొల్పడంతో కనీసం 189 పరుగులైనా జింబాబ్వే చేయగలిగింది.

190 పరుగుల లక్ష్యఛేదనకు దిగిన భారత్ ఓపెనర్లని జింబాబ్వే బౌలర్లు ఏమాత్రం ఇబ్బంది పెట్టలేకపోయారు. ఛేదన ఆరంభంలో శిఖర్ ధావన్ దూకుడుగా ఆడేయగా.. హాఫ్ సెంచరీ తర్వాత శుభమన్ గిల్ టాప్‌గేర్‌లోకి వెళ్లిపోయాడు. ఇద్దరూ పోటీపడి మరీ బౌండరీలు బాదడంతో జింబాబ్వే ఫీల్డర్లు ప్రేక్షకుల్లా మైదానంలో కనిపించారు. తొలి వికెట్‌కి అజేయంగా 192 పరుగుల భాగస్వామ్యం నెలకొల్పిన శిఖర్ ధావన్- శుభమన్ గిల్ జోడి.. వన్డేల్లో పది వికెట్ల తేడాతో గెలిచిన మ్యాచ్‌ల్లో అత్యధిక పరుగుల భాగస్వామ్యం నెలకొల్పిన భారత రెండో ఓపెనింగ్ జోడీగా నిలిచింది.
రచయిత గురించి
రాజేంద్ర గాలేటి
గాలేటి రాజేంద్ర సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పనిచేస్తున్నారు. ఇక్కడ స్పోర్ట్స్, సినిమాకి సంబంధించిన వార్తలు, విశ్లేషణలు రాస్తుంటారు. క్రికెట్ అంటే అమితమైన ఇష్టం. మ్యాచ్‌లకి సంబంధించి ఆసక్తికరమైన కథనాల్ని అందిస్తుంటారు. ఈయనకి జర్నలిజంలో 10 ఏళ్లకి పైగా అనుభవం ఉంది. గతంలో ఈనాడు.నెట్‌లో పనిచేశారు. అంతకముందు జర్నలిజంలో పీజీ చేయడంతో పాటు ఈనాడు జర్నలిజం స్కూల్‌లో శిక్షణ పొందారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.