నెటిజన్లకి మళ్లీ చిక్కిన కోచ్ రవిశాస్త్రి.. బాదుడే

Courtesy: @RaviShastriOfc | Photo Credit: Twitter

Samayam Telugu

భారత హెడ్ కోచ్ రవిశాస్త్రి‌ని ఇటీవల సోషల్ మీడియాలో అభిమానులు ఎక్కువగా ట్రోల్స్ చేస్తున్నారు. అతను ఏం మాట్లాడినా..? కామెడీగా చూసే అభిమానులు ఇక అతడి చేష్టలపై అయితే పెద్ద ఎత్తున మీమ్స్‌ని తయారు చేస్తున్నారు.

undefined


ఇటీవల దక్షిణాఫ్రికాతో ముగిసిన టెస్టు సిరీస్‌లో ఒకవైపు భారత క్రికెటర్లు మైదానంలో ఫీల్డింగ్ చేస్తుండగా.. స్టేడియంలో మ్యాచ్‌ని చూస్తూ రవిశాస్త్రి నిద్రపోయిన విషయం తెలిసిందే. కానీ.. మ్యాచ్‌లో తాను ఒక బంతి కూడా మిస్ కాకుండా చూశానని రవిశాస్త్రి వివరణ ఇచ్చుకునే ప్రయత్నం చేశాడు. కానీ.. అప్పటికే జరగాల్సిన నష్టం జరిగిపోయింది. దీంతో.. నేను ట్రోల్స్‌ని పట్టించుకోనంటూ ఈ హెడ్ కోచ్ ఆఖరిగా ఓ భారీ స్టేట్‌మెంట్ ఇవ్వాల్సి వచ్చింది.

Read More: బంగ్లా టీ20 టీమ్‌కి ‘బాస్’ ఎవరో తెలిసిందా..?: పాక్ బౌలర్

భారత్ జట్టు తాజాగా బంగ్లాదేశ్‌తో టెస్టు సిరీస్ ఆడుతుండగా.. తొలి టెస్టుకి ముందు జరిగిన ప్రాక్టీస్ సెషన్‌లో టీమిండియా బ్యాట్స్‌మెన్‌లకి సరదాగా రవిశాస్త్రి నెట్స్‌లో బౌలింగ్ చేశాడు. ఎడమచేతి వాటం స్పిన్నర్ అయిన రవిశాస్త్రి తన కెరీర్‌లో 80 టెస్టులు ఆడి 151 వికెట్లు, 150 వన్డేలాడి 129 వికెట్లు పడగొట్టాడు. 1981-92 మధ్యకాలంలో టీమిండియా నమ్మదగిన బౌలర్‌గా అతను గుర్తింపు పొందాడు.

Read More: పొలార్డ్ అతి తెలివి.. కంగుతిన్న అంపైర్

తాజాగా ఇండోర్ స్టేడియంలో నెట్స్‌లో బౌలింగ్ చేస్తున్న ఫొటోని రవిశాస్త్రి షేర్ చేస్తూ.. పాత జ్ఞాపకాలని గుర్తు చేసుకున్నాడు. కానీ.. అభిమానుల నుంచి అతనికి ఊహించని విధంగా ట్రోల్స్ మొదలయ్యాయి. గురువారం ఆరంభమైన ఇండోర్ టెస్టులో టాస్ గెలిచిన బంగ్లాదేశ్ జట్టు ఫస్ట్ బ్యాటింగ్ చేస్తోంది.